ലോകത്തെ ഏറ്റവും പ്രായംചെന്ന ഭീമന്‍ പാണ്ട ആന്‍ ആന്‍ 35-ാമത്തെ വയസ്സില്‍ ഓര്‍മയായി. മനുഷ്യ സംരക്ഷണത്തിലുള്ളവയിൽ ഏറ്റവും പ്രായം ചെന്ന ആൻ ഹോങ് കോങ്ങിലെ ഓഷ്യന്‍ പാര്‍ക്കിൽ ആയിരുന്നു ഇണയോടൊപ്പം വാസം. ലോകത്തിൻ്റെ പലഭാഗങ്ങളില്‍നിന്ന് ആന്‍ ആനിന് ആദരാഞ്ജലികളെത്തി.
തെക്കുപടിഞ്ഞാറന്‍ ചൈനീസ് പ്രവിശ്യയായ സിച്വാനില്‍ 1986-ലായിരുന്നു ആനിൻ്റെ ജനനം. പിന്നീട് ലോകത്തിൻ്റെ മുഴുവന്‍ സ്‌നേഹം നേടിയ ജീവിയായി ഈ ഇണകൾ. ആന്‍ ആനിനൊപ്പം തന്നെയാണ് പെണ്‍ പാണ്ടയായ ജിയ ജിയയും ഓഷ്യന്‍ പാര്‍ക്കിലെത്തിയത്. പക്ഷെ 2016-ല്‍ 38-ാമത്തെ വയസ്സിൽ ജിയ ജിയ വിടവാങ്ങി.
1999 മുതല്‍ ആന്‍ ആന്‍ ഓഷ്യന്‍ പാര്‍ക്കിലാണ് താമസം. ചൈന സമ്മാനമായി നല്‍കിയതായിരുന്നു. ചൈനയില്‍ സ്‌നേഹത്തിന്റെയും സൗഹൃദത്തിന്റെയും പ്രതീകമാണ് പാണ്ട.
