കെഎസ്എഫ്ഇ സമ്മേളനത്തിലെ പൊള്ളചിട്ടി വിമർശനത്തിൽ വിശദീകരണവുമായി സിപിഎം കേന്ദ്ര കമ്മിറ്റി അംഗം എ.കെ ബാലൻ. പൊള്ളചിട്ടി കുറച്ചുകൊണ്ടുവരാൻ കഴിഞ്ഞിട്ടുണ്ട്. എങ്കിലും ഉദ്യോഗസ്ഥർക്ക് കൂടുതൽ ജാഗ്രത വേണമെന്ന് മുന്നറിയിപ്പ് നൽകുകയാണ് ആ പ്രസംഗത്തിൽ ചെയ്തതെന്ന് എ.കെ ബാലൻ പറഞ്ഞു. ak balan about ksfe chitty
ഓരോ വർഷത്തെയും ലക്ഷ്യം നേടിയ കണക്കൊപ്പിക്കാൻ ഇല്ലാത്ത പേരിൽ കള്ള ഒപ്പിട്ട് ചിട്ടികൾ ഉണ്ടാക്കുന്നു. സഹകരണ മേഖലയിൽ മാത്രമല്ല ഇവിടെയും ഇ.ഡിവരും എന്നോർക്കണം. കരുവന്നൂർ തട്ടിപ്പ് കേസിനും മുൻപ് KSFE യിൽ 25 കോടിയുടെ വെട്ടിപ്പ് കണ്ടെത്തിയിരുന്ന. ഇത് കണക്ക് ഒപ്പിക്കലായിരുന്നു. എങ്കിലും പലരും അനുഭവിച്ചു. കരുവന്നൂരിൽ പത്ത് വർഷ കൊണ്ട് നടന്ന തട്ടിപ്പ് ഇപ്പോഴാണ് കണ്ടുപിടിച്ചത്. അതിനാൽ നല്ല ഉത്തരവാദിത്വം ഉണ്ടാകണം എന്നായിരുന്നു എ.കെ ബാലന്റെ പരാമർശം.
സംഭവം വിവാദമായതോടെ പ്രസംഗത്തിൽ വിശദീകരണവുമായി എ.കെ ബാലൻ രംഗത്ത് എത്തി. പൊള്ളച്ചിട്ടി പരാമർശം മുമ്പത്തെ കാര്യമാണ് പറഞ്ഞതെന്ന് എ.കെ ബാലൻ പറഞ്ഞു.
