ഇതര ഗ്രഹങ്ങളിലേക്കുള്ള യാത്രയും തിരിച്ചു വരവും സുഖമമാക്കുന്നതിന് സഹായകമായ Low-Earth Orbit Flight Test of an Inflatable Decelerator (LOFTID) നൂതന സങ്കേതം വിജയകരമായി പരീക്ഷിച്ച് നാസ. വായുനിറച്ച് വൃത്താകൃതിയിൽ കൂൺ മാതൃകയിൽ ട്യൂബുകള് പരസ്പരം ബന്ധിപ്പിച്ച് താപ കവചവും പേടകവും പ്രപൊപ്പല്ഷന് സംവിധാനവും ഉക്കൊള്ളുന്ന മാതൃകയാണിത്.
ഹൈപ്പര്സോണിക് ഇന്ഫ്ളേറ്റബിള് എയറോഡൈനാമിക് ഡിസെലറേറ്റര് (HIAD) എന്ന് വിളിക്കുന്ന സാങ്കേതികവിദ്യയാണ് ഇതില് ഉപയോഗിച്ചിരിക്കുന്നത്. ഇതിനകം രണ്ട് സബ് ഓര്ബിറ്റല് പരീക്ഷണങ്ങള് നടത്തിയിട്ടുണ്ട്. മൂന്നാമത്തേതാണ് ഇന്ന് നവംബർ 10 ന് നടന്ന ലോഫ്റ്റിഡ് ഓര്ബിറ്റല് ഫ്ളൈറ്റ് ടെസ്റ്റ്. ഒരു പേടകമോ മറ്റെന്തെങ്കിലും വസ്തുവോ ഒരു ഗ്രഹത്തിന്റെ അന്തരീക്ഷത്തിലേക്ക് പ്രവേശിക്കുമ്പോള് ഉണ്ടാകുന്ന ഘര്ഷണം കുറയ്ക്കാനും അതുമൂലമുണ്ടാകുന്ന കടുത്ത താപനില നിയന്ത്രിക്കാനും കൂടുതല് സുരക്ഷിതമായി പേടകം താഴെയിറക്കാനും ഈ സാങ്കേതികവിദ്യയിലൂടെ സാധിക്കും.
ചൂട് ഏൽക്കാത്ത അൽഭുത ബലൂൺ
വായു നിറയ്ക്കാവുന്ന ട്യൂബുകൾ ചേർന്നുള്ള കുട മാതൃകയിലുള്ള സംവിധാനമാണ് ലോഫ്റ്റിഡ്. ഭാവിൽ വിവിധ ഗ്രഹങ്ങളിലേക്ക് ഭാരം കൊണ്ടു പോകാവുന്ന സംവിധാമായി ഇത് മാറും. ഇന്നത്തെ പരീക്ഷണത്തിൽ ഒരു ചെറു കാറിനോളം ഭാരം വഹിച്ചു. 18000 കി മി വേഗതയിലും 3000 ഡിഗ്രി ഫാറൻഹീറ്റിലും ഇത് അതിജീവിക്കും.
മനുഷ്യര് യാത്രചെയ്യുന്ന പേടകങ്ങളെ കൂടാതെ ബഹിരാകാശത്തേക്ക് വിക്ഷേപിക്കുന്ന റോക്കറ്റ് ഭാഗങ്ങള് തിരികെ ഭൂമിയിലിറക്കാനും പുനരുപയോഗിക്കാനും ഈ സംവിധാനത്തിലൂടെ അവസരമൊരുങ്ങും.21 അടി വ്യാസമാണ് വായുനിറച്ച എയറോഷെല് സംവിധാനത്തോടുകൂടിയ ലോഫ്റ്റിഡിനുള്ളത്. ഈ വലുപ്പം അന്തരീക്ഷത്തിലൂടെയുള്ള കുതിപ്പിന്റെ വേഗം കുറയ്ക്കുകയും സാധാരണ ഉപയോഗിക്കാറുള്ള വായുനിറച്ച എയറോഷെല്ലുകളേക്കാള് സുരക്ഷിതമായ ലാന്ഡിങ് സാധ്യമാക്കുകയും ചെയ്യുന്നു.
