ജയിക്കുകയാണ് അർജൻ്റീനയ്ക്ക് മുന്നിലുള്ള ഏറ്റവും ഭദ്രമായ വഴി. അതിനായി പോരാടുക. തോറ്റാല് പുറത്താവും എന്നുറപ്പ്, സമനിലയാണെങ്കില് തന്നെ രണ്ടിനും സാധ്യതയുണ്ട്. ഗ്രൂപ്പ് സി-യിലെ അവസാന മത്സരത്തിനിറങ്ങുകയാണ് അര്ജന്റീന. പോളണ്ടാണ് എതിരാളി. രാത്രി 12.30 നാണ് പോരാട്ടം. 1986 നു ശേഷം പോളണ്ട് ആദ്യമായി നോക്കൌട്ട് റൌണ്ടിന് അരികിൽ എത്തുകയാണ്.
ഇതേ സമയത്ത് രണ്ട് കളിയുണ്ട്. സൌദി അറേബ്യ മെക്സിക്കോ. ഖത്തർ ലോകകപ്പിലെ ഗ്രൂപ്പ് മൽസരങ്ങൾ അവസാന ഘട്ടത്തിലേത്ത് കടക്കുകയാണ്. അവസാന ഘട്ട ഗ്രൂപ്പ് മൽസരങ്ങൾ ഒരേ സമയം ആയിരിക്കും നടക്കുക എന്നതിനാലാണ് രണ്ട് കളികൾ
ആദ്യകളിയില് സൗദിയോട് തോല്ക്കുകയും രണ്ടാം കളിയില് മെക്സിക്കോയെ തോല്പ്പിക്കുകയും ചെയ്ത അര്ജന്റീനയ്ക്ക് മൂന്ന് പോയന്റാണുള്ളത്. പോളണ്ടിന് നാലും. സൗദിക്ക് മൂന്നും മെക്സിക്കോക്ക് ഒന്നും പോയന്റുണ്ട്.
ഗ്രൂപ്പ് ഡിയില് രാത്രി 8.30ന് നടക്കുന്ന മത്സരങ്ങളില് ടുണീഷ്യയും ഫ്രാന്സും, ഓസ്ട്രേലിയയും ഡെന്മാര്ക്കും ഏറ്റുമുട്ടും. ഫ്രാന്സ് നേരത്തെ തന്നെ പ്രീ ക്വാര്ട്ടര് ഉറപ്പിച്ച ടീമാണ്. ഈ ഗ്രൂപ്പില് ഓസ്ട്രേലിയയും ഡെന്മാര്ക്കും തമ്മിലുള്ള മത്സരമാണ് നിര്ണായകം. വിജയിച്ചാല് ഓസ്ട്രേലിയക്ക് പ്രീ ക്വാര്ട്ടറിലേക്ക് മുന്നേറാം. സമിനലയാണെങ്കിലും അവര്ക്ക് സാധ്യതയുണ്ട്. അതേസമയം ഡെന്മാര്ക്കിന് വിജയം അനിവാര്യമാണ്.
അർജൻ്റീനയുടെ സാധ്യതകൾ എന്താവും
ഈ ലോകകപ്പിൽ അർജന്റീന ഏതുവരെ എത്തും ? ടെൻഷൻ ഉണ്ടാകാവുന്ന ചില തലങ്ങളുണ്ടതിൽ. അർജന്റീനക്ക് അവരുടെ അവസാന ഗ്രൂപ്പ് മത്സരങ്ങൾ സുപ്രധാനമാണ്. ആ മത്സരത്തിൽ ആറു സാദ്ധ്യതകളാണ് നിലനിൽക്കുന്നത്.
- അർജന്റീന പോളണ്ടിന് മുന്നിൽ തോല്കുക . അർജന്റീന ഔട്ട്
2 .അർജന്റീന പോളണ്ട് മത്സരം സമനിലയിലാകുക; സൗദി അറേബിയ മെക്സിക്കോവിനെ തോൽപ്പിക്കുക.അർജന്റീന ഔട്ട് - അർജന്റീന പോളണ്ട് മത്സരം സമനിലയിലാകുക; മെക്സിക്കോ സൗദി അറേബിയയെ തോൽപ്പിക്കുക. അപ്പോൾ അർജന്റീന ഗ്രൂപ്പിലെ രണ്ടാമനായി പ്രീക്വർട്ടറിലേക്ക്
- അർജന്റീന പോളണ്ട് മത്സരം സമനിലയിലാകുക; മെക്സിക്കോ സൗദി അറേബിയ മത്സരം സമനില. അപ്പോഴും, ഗ്രൂപ്പിലെ രണ്ടാമനായി അർജന്റീന പ്രീക്വർട്ടറിലേക്ക്
5 അർജന്റീന വിജയിക്കുക; സൗദി അറേബിയ മെക്സിക്കോവിനെ അർജന്റീനനേടിയതിനേക്കാൾ മൂന്ന് ഗോൾ വ്യത്യാസത്തിൽ പരാജയപ്പെടുത്തുക.അപ്പോഴും, ഗ്രൂപ്പിലെ രണ്ടാമനായി അർജന്റീന പ്രീക്വർട്ടറിലേക്ക്
6 .അർജന്റീന വിജയിക്കുക; സൗദി ജയിച്ചാലും ഇപ്പോഴത്തെ രണ്ട് ഗോൾ വ്യത്യാസം നിലനിർത്തുക. അപ്പോൾ അർജന്റീന ഗ്രൂപ്പിലെഒന്നാമനായി പ്രീക്വർട്ടറിലേക്ക്.
ഇതിൽ ഒന്നാമത്തേയും രണ്ടാമത്തെയും സാഹചര്യത്തെ കുറിച്ച് കൂടുതൽ ആലോചിക്കേണ്ടതില്ല. മൂന്നാമത്തെയും നാലാമത്തെയും അഞ്ചാമത്തേയും സാഹചര്യത്തിൽ അർജന്റീന രണ്ടാമത്തെ റൗണ്ടിൽ എത്തും. പക്ഷെ, അവർക്ക് രണ്ടാം റൗണ്ടിൽ നേരിടേണ്ടി വരിക ഫ്രാൻസിനെയായിരിക്കും. ഇന്നത്തെ സാഹചര്യത്തിൽ പ്രീക്വർട്ടറിൽ അത് ഒഴിവാക്കുന്നതായിരിക്കും നല്ലത്. അർജന്റീനക്ക് ഏറ്റവും നല്ലത് ഗ്രൂപ്പിൽ ഒന്നാമതായി എത്തുകയും ഗ്രൂപ്പ് D യിലെ രണ്ടാം സ്ഥാനക്കാരെ നേരിടുന്നതുമായിരിക്കും. അതവരെ സെമി വരെ എത്തിച്ചേക്കും. സെമിയിൽ ഇന്നത്തെ സാഹചര്യത്തിൽ വരാവുന്ന ടിം ബ്രസീലോ സ്പെയിനോ ആയിരിക്കും. അവിടെ അർജന്റീനയുടെ സാദ്ധ്യത കൂടുതൽ മെച്ചപ്പെട്ടതായിരിക്കും. അങ്ങിനെ വന്നാൽ, ഫൈനലിൽ ഫ്രാൻസിനെ നേരിടുമ്പോൾ അർജന്റീനക്ക് വിജയ ഉണ്ടാവാം. ഇങ്ങനെയും ആരാധകർക്ക് വിലയിരുത്താം.
