ആദ്യദിവസം തന്നെ വമ്പൻ റിപ്പോർട്ടുമായി ബോക്സോഫീസ് റെക്കോഡുകൾ തകർത്ത് മുന്നേറുകയാണ് ഷാരൂഖ് ഖാൻ-ദീപികാ പദുക്കോൺ-ജോൺ എബ്രഹാം ടീമിന്റെ പഠാൻ. സമീപകാലത്ത് ഒരു ബോളിവുഡ് ചിത്രം നേടുന്ന ഏറ്റവും ഉയർന്ന ആദ്യദിന കളക്ഷനാണ് ചിത്രം സ്വന്തമാക്കിയത്.
ഷാരൂഖ് ഖാന്റെ കരിയര് ബെസ്റ്റാണ് ചിത്രം എന്നാണ് സാമൂഹ്യമാധ്യമങ്ങളിലെ പ്രതികരണം. ‘പഠാനി’ല് അതിഗംഭീര ആക്ഷൻ രംഗങ്ങളാണ് എന്നും പ്രതികരണങ്ങള് വരുന്നു. ബ്ലോക്ബസ്റ്റര് ആയിരിക്കും ഷാരൂഖ് ഖാൻ ചിത്രം എന്ന് ട്രേഡ് അനലിസ്റ്റ് തരണ് ആദര്ശ് അടക്കമുള്ളവര് ട്വീറ്റ് ചെയ്യുന്നു.
ഒരുപക്ഷേ നിങ്ങൾ ബഹിഷ്കരിക്കപ്പെട്ടേനേ
ലവ് യൂ ബോളിവുഡ്, ലവ് യൂ ആദി! ഒരുപക്ഷേ നിങ്ങൾ ബഹിഷ്കരിക്കപ്പെട്ടേനേ. പക്ഷേ നിങ്ങൾ നിങ്ങളുടെ വരവറിയിക്കുമ്പോൾ തടസമായി ഒരാൾ പോലുമുണ്ടാവില്ല. പഠാനിലെ ഏറ്റവും മികച്ച രംഗം ഭായിയുടേതും ഭായ്ജാന്റേതുമാണ്. ഇതിൽ ഒരു സ്പോയിലറുമില്ല.” ഇത്രയും രസിച്ചിരുന്ന് ഒരു സിനിമ എപ്പോഴാണ് അവസാനം കണ്ടതെന്ന് ഓർക്കാനാവുന്നില്ല എന്നുമാണ് ഇൻസ്റ്റാഗ്രാമിൽ പോസ്റ്റ് ചെയ്ത കുറിപ്പിൽ കരൺ ജോഹർ ചിത്രത്തെ കുറിച്ച് എഴുതിയത്.
നാല് വര്ഷത്തിന് ശേഷമാണ് ഒരു ഷാരൂഖ് ഖാന് ചിത്രം തിയേറ്ററുകളില് എത്തുന്നത്. സിദ്ധാര്ഥ് ആനന്ദാണ് ചിത്രം സംവിധാനം ചെയ്തിരിക്കുന്നത്. യഷ് രാജ് ഫിലിംസാണ് ചിത്രത്തിന്റെ നിർമാണം.
ഡിംപിള് കപാഡിയ, ഷാജി ചൗധരി, ഗൗതം, അഷുതോഷ് റാണ തുടങ്ങി ഒട്ടേറെ താരങ്ങള് അഭിനയിച്ചിരിക്കുന്നു. സത്ചിത് പൗലൗസാണ് ചിത്രത്തിന്റെ ഛായാഗ്രാഹണം നിര്വഹിക്കുന്നത്. ആമസോണ് പ്രൈം വീഡിയോയാണ് ഷാരൂഖ് ചിത്രത്തിന്റെ ഡിജിറ്റല് റൈറ്റ്സ് സ്വന്തമാക്കിയിരിക്കുന്നത്.
ഹോട്ട് ആൻ്റ് സെക്സിയസ്റ്റ് ഷരൂഖ് ദീപിക
ഷാരൂഖ് ഖാനെ ഏറ്റവും ഹോട്ടായതും സുന്ദരനുമായ ഏജന്റ് എന്നാണ് കരൺ ജോഹർ കുറിപ്പിൽ വിശേഷിപ്പിച്ചത്. ദീപിക പദുക്കോണിനെ സെക്സിയെസ്റ്റ് എന്നും ജോൺ എബ്രഹാമിന്റെ കഥാപാത്രത്തെ ഏറ്റവും ആകർഷണിയതയുള്ള വില്ലൻ എന്നും വിശേഷിപ്പിച്ചു.
വൻ സ്ക്രീൻ കൗണ്ടാണ് ഷാരൂഖ് ചിത്രത്തിന് ലഭിച്ചിരിക്കുന്നത്. മൊത്തം 7770 സ്ക്രീനുകളിലാണ് ‘പഠാൻ’ ചിത്രം റിലീസ് ചെയ്തത്. ഇന്ത്യയില് 5200 വിദേശത്ത് 2500 സ്ക്രീനുകളിലായിട്ടാണ് റിലീസ്.
ജവാൻ ഒരുങ്ങുന്നതിനിടെ
ഇതോടെ ഷാരൂഖ് ഖാൻ നായകനാകുന്ന മറ്റൊരു പ്രധാന ചിത്രം ‘ജവാനാണ്.’ അറ്റ്ലി സംവിധാനം ചെയ്യുന്ന ഷാരൂഖ് ചിത്രത്തിന്റെ ഒടിടി റൈറ്റ്സ് നെറ്റ്ഫ്ലിക്സ് 120 കോടി രൂപയ്ക്ക് സ്വന്തമാക്കിയെന്ന് റിപ്പോര്ട്ടുകളുണ്ട്. സാറ്റലൈറ്റ്, ഒടിടി റൈറ്റ്സ് വിറ്റുപോയ ഇനത്തില് മാത്രമായി ‘ജവാൻ’ 250 കോടി സ്വന്തമാക്കിയെന്നാണ് റിപ്പോര്ട്ട്. ആക്ഷന് എന്റര്ടെയ്നര് വിഭാഗത്തില് പെടുന്ന ചിത്രത്തില് സാന്യ മല്ഹോത്രയും ഒരു പ്രധാന കഥാപാത്രത്തെ അവതരിപ്പിക്കുന്നുണ്ട്. വിജയ് സേതുപതിയും ഷാരൂഖിന്റെ ചിത്രത്തിലുണ്ട്. ഒരു അന്വേഷണോദ്യോഗസ്ഥയാണ് ഷാരൂഖ് ഖാൻ ചിത്രത്തില് നായികയായ നയന്താരയുടെയും കഥാപാത്രമെന്ന റിപ്പോര്ട്ടുകളും പുറത്തുവന്നിട്ടുണ്ട്. ഹിന്ദിക്ക് പുറമെ തമിഴ്, തെലുങ്ക്, മലയാളം, കന്നഡ ഭാഷകളില് പാന് ഇന്ത്യന് റിലീസ് ആയി എത്തുന്ന ‘ജവാന്റെ’ റിലീസ് 2023 ജൂണ് രണ്ടിന് ആണ്.
