പാഠ്യേതരവിഷയങ്ങളില് മികവ് തെളിയിച്ച എസ്.എസ്.എല്.സി, ഹയര്സെക്കന്ഡറി വിദ്യാര്ഥികള്ക്ക് ഗ്രേസ് മാര്ക്ക് നല്കുമെന്ന് വിദ്യാഭ്യാസവകുപ്പ് മന്ത്രി വി.ശിവന്കുട്ടി. മുന്വര്ഷങ്ങളില് ഗ്രേസ്മാര്ക്ക് ശാസത്രീയമായല്ല നല്കിയിരുന്നത്. ഇത് പരിഹഹിക്കാൻ ഗ്രേസ് മാര്ക്ക് സംവിധാനത്തിന് ക്രമീകരണം കൊണ്ടുവരുമെന്നും മന്ത്രി അറിയിച്ചു.
സംസ്ഥാന- ദേശീയ- അന്തര്ദേശീയ തല മത്സരങ്ങളിലെ മികവ്, സ്കൗട്ട്സ് ആന്ഡ് ഗൈഡ്സ്, സ്റ്റുഡന്റ് പോലീസ് കേഡറ്റ്, നാഷണല് കേഡറ്റ് കോര്പ്സ്, ജൂനിയര് റെഡ്ക്രോസ്, നാഷണല് സര്വീസ് സ്കീം എന്നിവയാണ് ഗ്രേസ് മാര്ക്കിനായി പരിഗണിച്ചു വന്നിരുന്നത്. കോവിഡ് മഹാമാരി കാരണം കഴിഞ്ഞ രണ്ട് അധ്യയന വര്ഷങ്ങളിലും ഗ്രേസ് മാര്ക്ക് നല്കിയിരുന്നില്ല.
കേരളത്തിലെ പ്ലസ് വണ് സീറ്റുകളില് ജില്ലാടിസ്ഥാനത്തില് ആവശ്യമായ ക്രമീകരണം നടത്തുമെന്നും മന്ത്രി അറിയിച്ചു. പരീക്ഷ കഴിഞ്ഞ ഉടന് തന്നെ മൂല്യനിര്ണയവും ടാബുലേഷനും ആരംഭിക്കും. ഏപ്രില് മൂന്നുമുതല് 26 വരെയാണ് മൂല്യനിര്ണയം. മേയ് രണ്ടാംവാരത്തില് ഫലം അറിയാം.
