ഇനിമുതല് ഒരേസമയം രണ്ട് ബിരുദ കോഴ്സുകള് പഠിക്കാം. ഓണ്ലൈനായോ ഓഫ്ലൈനായോ പഠനം പൂര്ത്തിയാക്കാം. യുജിസിയുടെ പുതിയ നിര്ദേശ പ്രകാരമാണിത്. അടുത്ത അധ്യയന വര്ഷം മുതല് മാറ്റം നിലവില്വരും എന്നാണ് അറിയിപ്പ്.
യുജി, പിജി കോഴ്സുകള്ക്ക് പുതിയ നിര്ദേശം ബാധകമാവും. ഒരേ സര്വ്വകലാശാലയില് നിന്നോ രണ്ട് സര്വ്വകലാശാലകളില് നിന്നായോ ബിരുദ കോഴ്സുകള് ഒരേസമയം ചെയ്യാം. വ്യത്യസ്ത കോളേജുകളിലും ഒരേസമയം പഠിക്കാം.
കോഴ്സുകള് ഏത് രീതിയില് വേണമെന്നും വിദ്യാര്ത്ഥികള്ക്ക് തീരുമാനിക്കാം. രണ്ട് കോഴ്സും നേരിട്ടെത്തി പഠിച്ചും അല്ലെങ്കില് രണ്ട് കോഴ്സും ഓണ്ലൈനായും ചെയ്യാം. ഒരു കോഴ്സ് ഓണ്ലൈനായും ഒരു കോഴ്സ് നേരിട്ടെത്തിയും പഠിക്കാം. രണ്ട് കോഴ്സിലും നേരിട്ടെത്തിയുള്ള പഠനം തിരഞ്ഞെടുക്കുന്നവര്ക്ക് രാവിലെയും ഉച്ചയ്ക്ക് ശേഷവുമായിട്ടാകും ക്ലാസ് നടത്തുക.
പുതിയ മാറ്റം നടപ്പിലാക്കുന്നത് സംബന്ധിച്ചുള്ള നിര്ദേശം ഉടന് സര്വ്വകലാശാലകള്ക്ക് നല്കുമെന്ന് യുജിസി ചെയര്മാന് എം. ജഗദീഷ് കുമാര് അറിയിച്ചു.
