കശ്മീർ സ്വപ്നം കാണുന്നവർ വായിച്ചിരിക്കേണ്ട പുസ്തകമാണ് ചിനാർതടങ്ങളും ദേവദാരുമരങ്ങളും. സഞ്ചാരിയും കാലിക്കറ്റ് സർവകലാശാല മുൻ ഡെപ്യൂട്ടി രജിസ്ട്രാറുമായ ടി. എം. ഹാരിസിൻ്റെ ഈ യാത്രാവിവരണ ഗ്രന്ഥം രണ്ടാം പതിപ്പ് വിപണിയിൽ എത്തി.
യാത്രികർക്ക് കൂടി പ്രയോജനപ്പെടുന്ന വിധം വെറും വിവരണം എന്നതിൽ കവിഞ്ഞ് ഓരോ ഇടങ്ങളെയും കുറിച്ചുള്ള വിവരങ്ങളും വിജ്ഞാനവും കൂടി പകരുന്ന രചനാ രീതിയാണ്.
കോഴിക്കോട് ന്യൂ വേവ് ഫിലിം സ്കൂളിൽ ഫോട്ടോഗ്രാഫർമാരുടെ കൂട്ടായ്മയായ ‘ലൈറ്റ്സോഴ്സ്’ ൻ്റെ മുൻകൈയിൽ ആയിരുന്നു പ്രകാശനം.
എഴുത്തുകാരിയും ‘മാക്ബത് പബ്ലിക്കേഷൻസ് ‘ ചീഫ് എഡിറ്ററുമായ
എം. എ. ഷഹനാസ്, പ്രശസ്ത വൈൽഡ് ലൈഫ് ഫോട്ടോഗ്രാഫറും സാങ്ച്വറി ഏഷ്യ ഇന്റർനാഷണൽ ഫോട്ടോഗ്രാഫി അവാർഡ് ജേതാവുമായ ശബരി ജാനകിയ്ക്ക് ആദ്യ കോപ്പി നൽകി.
ചലച്ചിത്ര സംവിധായകൻ പ്രതാപ് ജോസഫ്, എം. എൻ. സത്യാർത്ഥിയുടെ മകളും എഴുത്തുകാരിയുമായ സൽമി സത്യാർത്ഥി,
ഗ്രന്ഥകാരനായ കെ. പി. എ. സമദ് എന്നിവർ ആശംസ നേർന്നു
