ബിരുദപ്രവേശനത്തിൻ്റെ മെറിറ്റ് പട്ടിക ബുധനാഴ്ച വൈകീട്ട് പ്രസിദ്ധീകരിക്കും. ചൊവ്വാഴ്ച പട്ടിക പുറത്തിറക്കുമെന്നാണ് നേരത്തേ അറിയിച്ചത്. സർവകലാശാലയുടെ കീഴിലെ സെയ്ന്റ് സ്റ്റീഫൻ കോളേജ് സി.യു.ഇ.ടി.യിലൂടെയുള്ള പ്രവേശനമാനദണ്ഡങ്ങൾക്കെതിരേ സുപ്രീംകോടതിയെ സമീപിച്ച സാഹചര്യത്തിലാണ് പട്ടിക പ്രസിദ്ധീകരിക്കുന്നത് ബുധനാഴ്ത്തേക്ക് മാറിയത്.
സർവകലാശാലയ്ക്കു കീഴിലെ വിവിധ കോളേജുകളിലെ 70,000 സീറ്റുകളിലേക്കുള്ള പ്രവേശനനടപടികളാണ് ഈ പരീക്ഷയ്ക്ക് കീഴിൽ വരുന്നത്. രണ്ടു ലക്ഷത്തിലധികം അപേക്ഷകരുണ്ട്
പ്രവേശനം ഉറപ്പിക്കാൻ 21-നുമുമ്പ് കോമൺസീറ്റ് അലോക്കേഷൻ സിസ്റ്റം എന്ന യു.ജി. പ്രവേശന പോർട്ടലിലൂടെ തുടർ നപടപടി സ്വീകരിക്കാം. ഓൺലൈനായി ഫീസടയ്ക്കേണ്ട അവസാനതീയതി 24 ആണ്. രണ്ടാംഘട്ട ലിസ്റ്റ് 25-ന് പ്രസിദ്ധീകരിക്കും. 27 വരെ അഭിപ്രായം അറിയിക്കാം. രണ്ടാംഘട്ട ലിസ്റ്റിലൂടെ പ്രവേശനം നേടുന്നവർക്ക് ഫീസടയ്ക്കേണ്ട അവസാനതീയതി 30.
കേരളത്തിൽ നിന്നും അപേക്ഷകർ കുറഞ്ഞു
രണ്ടേകാൽ ലക്ഷം അപേക്ഷകളാണ് ഇതുവരെ ലഭിച്ചത്. ബി.കോമിനാണ് ഏറ്റവുംകൂടുതൽ അപേക്ഷ. അപേക്ഷകരിൽ 80 ശതമാനവും സി.ബി.എസ്.ഇ. പന്ത്രണ്ടാംക്ലാസ് വിജയിച്ചവരാണ്.
കേരള ഹയർ സെക്കൻഡറിയിൽനിന്ന് 1847 പേരാണ് അപേക്ഷിച്ചത്. കഴിഞ്ഞവർഷം ഇത് 4824 ആയിരുന്നു.
