ഇ പി ജയരാജൻ എൽ.ഡി.എഫ്. കൺവീനർ സ്ഥാനം ഒഴിയാൻ സന്നദ്ധത അറിയിച്ചതായി വാർത്ത. ആരോഗ്യപ്രശ്നങ്ങൾ ചൂണ്ടിക്കാട്ടിയാണ് ഇത്. പാർട്ടിപദവികളെല്ലാം ഒഴിയാൻ തയ്യാറാണെന്ന നിലപാടിലാണ്. അനാരോഗ്യമാണ് പദവികള് ഒഴിയാനുള്ള കാരണമായും അറിയിച്ചിട്ടുള്ളത്. പാർട്ടി പരിപാടികളിൽ നിന്നും ഇപ്പോൾ തന്നെ ഒഴിഞ്ഞ് നിൽക്കയാണ്.
എം.വി ഗോവിന്ദന് പാര്ട്ടി സംസ്ഥാന സെക്രട്ടറി പദത്തിലെത്തിയത് മുതല് പ്രധാന പരിപാടികളിലും പാര്ട്ടി യോഗങ്ങളിലും ഇ.പിയുടെ അസാന്നിധ്യം ശ്രദ്ധേയമായിരുന്നു. പാർട്ടി നേതൃസ്ഥാനത്തേക്ക് പുതിയ നേതൃത്വം വന്നപ്പോൾ മുതൽതന്നെ അദ്ദേഹത്തിന് പരിഭവവും പ്രയാസങ്ങളും ഉണ്ടായിരുന്നു. പാർട്ടിയിൽ സജീവമായി പ്രവർത്തിക്കുന്നതിനുള്ള ബുദ്ധിമുട്ടുകൾ പാർട്ടി നേതൃത്വത്തെ അറിയിക്കുകയും ചെയ്തിരുന്നതാണ്. ഇതിനിടയ്ക്കാണ് ഇപ്പോൾ സാമ്പത്തിക ആരോപണങ്ങളും.പാർട്ടി നേതൃത്വത്തിന് മനസ്സിലാകുന്ന ഭാഷയിൽ എല്ലാം നേതൃത്വത്തോട് പറഞ്ഞിട്ടുണ്ട് എന്നാണ് സുഹൃത്തുക്കളെ ഉദ്ദരിച്ചുള്ള വാർത്ത.
പദവികളിൽ തുടർന്നു പോകുന്നതിന് ബുദ്ധിമുട്ടുകളുണ്ട്. ആരോഗ്യപ്രശ്നങ്ങളും മറ്റും ഉള്ളതുകൊണ്ട് തന്നെ സജീവമായി യാത്ര ചെയ്യുന്നതിനും മറ്റും സാധിക്കുന്നില്ല. തിരുവനന്തപുരത്തേക്കും മറ്റും നിരന്തരമുള്ള യാത്രകൾ ബുദ്ധിമുട്ടാണ്. പ്രശ്നങ്ങൾ നേരിടേണ്ടി വരുന്നുണ്ട്. ഇത് കണക്കിലെടുത്ത് നേരത്തെ തന്നെ ഒഴിവാക്കണം എന്നായിരുന്നു ആവശ്യം. ഇതിന് പിന്നാലെയാണ് സാമ്പത്തിക ആരോപണം വരുന്നത്.
