പ്ലസ്വൺ പ്രവേശനത്തിന്റെ സമയപരിധി നാളെവരെ നീട്ടി. സിബിഎസ്സി വിദ്യാർത്ഥികളുടെ ആവശ്യം പരിഗണിച്ച് ഹൈക്കോടതി ഉത്തവ് പ്രകാരമാണ് നടപടി. നാളെ മൂന്ന് മണിക്ക് ഹർജി വീണ്ടും പരിഗണിക്കും. ഫലപ്രഖ്യാപന തീയതി നാളെ സിബിഎസ്സി ഹൈക്കോടതിയെ അറിയിക്കും.
പ്ലസ് വൺ പ്രവേശനത്തിനുളള സമയ പരിധി അടുത്ത തിങ്കളാഴ്ച വരെ നീട്ടണമെന്ന് ഹർജിക്കാർ ആവശ്യപ്പെട്ടിരുന്നു. അത് നീണ്ടു പോകും എന്ന് കോടതി പറഞ്ഞു.
പത്താംക്ലാസ് ഫലം പ്രസിദ്ധീകരിക്കുന്നതിനുളള അവസാന ഘട്ടത്തിലാണെന്ന് സിബിഎസ്ഇ അഭിഭാഷകൻ കോടതിയെ അറിയിച്ചു. രണ്ട് ദിവസത്തിനുള്ളിൽ സിബിഎസ്ഇ ഫലം പ്രസിദ്ധീകരിക്കാനാണ് സാധ്യത .
നിശ്ചയമില്ലാതെ സി ബി എസ് സി, നഷ്ടം വിദ്യാർഥികൾക്ക്
പക്ഷേ നിര്ദ്ദേശങ്ങള് ഒന്നും കിട്ടിയിട്ടില്ല എന്നും സിബിഎസ്ഇയുടെ അഭിഭാഷകന് പറഞ്ഞു.
സമയപരിധി ഇനിയും നീട്ടാനാവില്ലെന്നാണ് സംസ്ഥാന സര്ക്കാര് നിലപാട്. സ്റ്റേറ്റ് സിലബസില് പഠിച്ച വിദ്യാര്ത്ഥികള് ഒരു മാസമായി പ്രവേശനത്തിന് കാത്തിരിക്കുകയാണ്. ഇനിയും സമയം അനുവദിക്കുന്നത് അംഗീകരിക്കാനാവില്ല. ഓഗസ്റ്റ് 17ന് ക്ലാസ് തുടങ്ങിയാൽ പോലും 200 പ്രവര്ത്തി ദിനങ്ങള് പൂര്ണമാക്കാന് പറ്റുമോ എന്ന് സംശയമാണ്. ശനിയാഴ്ച പ്രവര്ത്തി ദിനം ആക്കിയാല് പോലും അങ്ങനെ സാധിക്കില്ല. ഇനിയും സമയം നീട്ടി നൽകാൻ ആവില്ല. സി ബി എസ് ഇ പരീക്ഷ ഫലം എന്ന് പ്രസിദ്ധീകരിക്കുമെന്ന് വ്യക്തമാക്കിയിട്ടില്ലെന്നും സര്ക്കാര് അറിയിച്ചു.
