സംസ്ഥാനത്ത് കാലവര്ഷം മെയ് 30 തിങ്കളാഴ്ചയോടെ എത്തും. തെക്കുപടിഞ്ഞാറന് മണ്സൂണ് ലക്ഷദ്വീപ് മേഖലയിൽ എത്തിക്കഴിഞ്ഞു. പത്തനംതിട്ട മുതല് വയനാട് വരെയുള്ള പത്ത് ജില്ലകളില് മഴമുന്നറിയിപ്പ് നല്കിയിട്ടുണ്ട്.
തിരുവനന്തപുരം, കൊല്ലം, കണ്ണൂര്, കാസര്ഗോഡ് എന്നീ ജില്ലകള് ഒഴികെ മറ്റ് ജില്ലകളിലെല്ലാം ഇന്ന് മഴ മുന്നറിയിപ്പ് നല്കിയിട്ടുണ്ട്. പത്ത് ജില്ലകളിലും യെല്ലോ അലേര്ടാണ് പ്രഖ്യാപിച്ചിരിക്കുന്നത്.
ഞായറാഴ്ച തെക്കന് ജില്ലകളിലും മധ്യകേരളത്തിലും ശക്തമായ മഴയ്ക്ക് സാധ്യതയുണ്ട്.
കഴിഞ്ഞ ദിവസങ്ങളില് വലിയ അളവില് മഴ ലഭിച്ച പ്രദേശങ്ങളില് മഴ തുടരുന്ന സാഹചര്യത്തില് താഴ്ന്ന പ്രദേശങ്ങള്, നദീതീരങ്ങള്, ഉരുള്പൊട്ടല്മണ്ണിടിച്ചില് സാധ്യതയുള്ള മലയോര പ്രദേശങ്ങള് എന്നിവിടങ്ങളില് താമസിക്കുന്നവര് അതീവ ജാഗ്രത പാലിക്കണമെന്ന് അറിയിപ്പില് പറയുന്നു.
