നാമനിര്ദേശ പത്രികയ്ക്കൊപ്പം സമര്പ്പിച്ച സത്യവാങ്മൂലത്തില് രണ്ട് തോക്കും ഒന്നര കോടി രൂപയും സ്വന്തമായി ഉണ്ടെന്ന് ഉത്തര് പ്രദേശ് മുഖ്യമന്ത്രി യോഗി ആദിത്യനാഥ് വെളിപ്പെടുത്തി.
. കൈവശമുളള പണം, ബാങ്ക് അക്കൗണ്ടിലുള്ള പണം, ഫിക്സഡ് ഡെപ്പോസിറ്റ് എന്നിവ ഉള്പ്പെടെ 1,54,94,054 രൂപയുടെ വിവരങ്ങളാണ് സമര്പ്പിച്ചിട്ടുള്ളത്. ഗോരഖ്പുര് അര്ബന് മണ്ഡലത്തില്നിന്നാണ് ആദിത്യനാഥ് ജനവിധി തേടുന്നത്.
49,000 രൂപ മതിക്കുന്ന 20 ഗ്രാമിന്റെ സ്വര്ണക്കടുക്കന്, 20,000 രൂപ വിലമതിക്കുന്ന പത്തു ഗ്രാമിന്റെ സ്വര്ണമാലയും രുദ്രാക്ഷവും. 12,000 രൂപ വിലമതിക്കുന്ന സ്മാര്ട്ട് ഫോണ് ആണ് താന് ഉപയോഗിക്കുന്നതെന്നും ആദിത്യനാഥ് സത്യവാങ്മൂലത്തില് വ്യക്തമാക്കുന്നു.
1,00,000 രൂപ വിലയുള്ള റിവോള്വറും 80,000 വിലയുള്ള റൈഫിളും ആദിത്യനാഥിന്റെ പക്കലുണ്ട്. സ്വന്തംപേരില് വാഹനങ്ങള് ഇല്ലെന്നും ആദിത്യനാഥ് പറയുന്നു.
2020-21 സാമ്പത്തിക വര്ഷം 13,20,653 രൂപ വരുമാനമുണ്ടായിരുന്നെന്നും 2019-20-ല് 18,27,639 രൂപയായിരുന്നു വരുമാനമെന്നും സത്യവാങ്മൂലത്തിലുണ്ട്. എന്നാൽ കൃഷിഭൂമിയോ അല്ലാത്തതോ ആയ ഭൂമി ഇല്ല. ബാധ്യതകളില്ലെന്നും ആദിത്യനാഥ് വ്യക്തമാക്കുന്നു.
