വിദേശത്ത് മെഡിക്കൽ കോഴ്സ് ചെയ്തവർക്ക് നിർബന്ധിത ഇൻ്റേൺഷിപ്പ്

വിദേശത്ത് മെഡിക്കൽ പഠനം പൂർത്തിയാക്കിയവർക്ക് ഇന്ത്യയിൽ പ്രാക്ടീസ് ചെയ്യാൻ 12 മാസത്തെ നിർബന്ധിത ഇന്റേൺഷിപ്പ് ആവശ്യമാണെന്ന് ദേശീയ മെഡിക്കൽ കമ്മിഷൻ വ്യക്തമാക്കി.

മെഡിക്കൽ കൗൺസിലിന് കീഴിൽ ‘കമ്പൽസറി റൊട്ടേറ്ററി മെഡിക്കൽ ഇന്റേൺഷിപ്പ് റെഗുലേഷന്റെ’ പരിധിയിലുള്ള മെഡിക്കൽ കോളേജുകളിലാകണം ഇന്റേൺഷിപ്പ് ചെയ്യേണ്ടത്.

വിദേശ മെഡിക്കൽ ബിരുദ പരീക്ഷ (എഫ്.എം.ജി.) പാസായവർക്ക് മെഡിക്കൽ കോളേജുകളിൽ സീറ്റ് അനുവദിക്കേണ്ട ചുമതല അതത് സംസ്ഥാന മെഡിക്കൽ കൗൺസിലുകൾക്കായിരിക്കും.