ലൈംഗികപീഡന കേസില് സിവിക് ചന്ദ്രൻ്റെ ജാമ്യം റദ്ദാക്കണമെന്ന ആവശ്യവുമായി സംസ്ഥാന സര്ക്കാര് ഹൈക്കോടതിയിലേക്ക്. കോഴിക്കോട് സെഷന്സ് കോടതി വിധിക്കെതിരെ സംസ്ഥാന സര്ക്കാര് അപ്പീല് നല്കും. വിധിയിലെ വിവാദ പരാമര്ശങ്ങള് കോടതിയുടെ ശ്രദ്ധയില്പ്പെടുത്തും. വസ്ത്രധാരണം പ്രകോപനം സൃഷ്ടിച്ചു എന്ന മട്ടിൽ വിധിയിലെ വിവാദ പരാമര്ശങ്ങള് നീക്കണമെന്നും സര്ക്കാര് ആവശ്യപ്പെടും.
ജാമ്യം സംബന്ധിച്ച വിഷയത്തിൽ അല്ല മറിച്ച് കോടതിയുടെ പരാമര്ശങ്ങളാണ് അപ്പീലിൽ മുഖ്യ പരിഗണനയാവുക. സുപ്രീംകോടതിയുടെ മുന് ഉത്തരവുകള്ക്ക് വിരുദ്ധമായ പരാമര്ശമാണ് ഉണ്ടായത്. ഇത് സര്ക്കാര് ഹൈക്കോടതിയെ അറിയിക്കും. ഇന്ന് 19/8 ന് തന്നെ ഹൈക്കോടതിയില് ഹര്ജി നല്കും.
പരാതിക്കാരിയുടെ വസ്ത്രധാരണവുമായി ബന്ധപ്പെട്ടു കോടതി നടത്തിയ പരാമര്ശങ്ങളാണ് വിവാദമായത്. സോഷ്യൽ മീഡിയയിൽ നിന്നും പൊലീസ് ശേഖരിച്ച ചിത്രങ്ങൾ ഉയർത്തിയായിരുന്നു പ്രതിഭാഗത്തിൻ്റെ വാദം. പ്രകോപന പരമായ വസ്ത്രം എന്ന് കണ്ടെത്തി ഈ ദൃശ്യങ്ങള് പരിശോധിക്കുമ്പോള് ഈ കേസ് തന്നെ നിലനില്ക്കില്ലെന്നാണ് സെഷന്സ് കോടതി സിവിക് ചന്ദ്രന് ജാമ്യം അനുവദിച്ചുകൊണ്ട് പറഞ്ഞത്.
ഇത് നിയമപരമായി ഒരുതരത്തിലും സാധൂകരിക്കാനാകുന്നതല്ലെന്ന നിലപാടാണ് സര്ക്കാരിന്. തിങ്കളാഴ്ച ഈ കേസ് കോടതിക്ക് മുൻപാകെ എത്തിക്കും
വിധിയിൽ അടിമുടി വൈരുധ്യങ്ങൾ
സെഷൻസ് കോടതിയിൽ മുൻകൂര് ജാമ്യ ഹര്ജിയിലെ വാദത്തിനിടെ പരാതിക്കാധാരമായ സംഭവം നടന്ന ദിവസത്തെ ഫോട്ടോകൾ പ്രതി ഹാജരാക്കിയിരുന്നു. ശരീരഭാഗങ്ങൾ കാണുന്ന നിലയിലാണ് യുവതി വസ്ത്രം ധരിച്ചിരുന്നതെന്നും ഇത്തരത്തിൽ യുവതി പ്രകോപനമുണ്ടാക്കുന്ന വസ്ത്രം ധരിച്ചതിനാല് പീഡനത്തിനുള്ള 354 എ വകുപ്പ് നിലനില്ക്കില്ലെന്നാണ് കോടതി പറഞ്ഞത്. ആഗസ്റ്റ് 12ന് മുൻകൂർ ജാമ്യം നൽകിയിരുന്നുവെങ്കിലും ഉത്തരവിന്റെ പകർപ്പ് കഴിഞ്ഞ ദിവസമാണ് പുറത്ത് വന്നത്. സ്തീവിരുദ്ധവും നിയമലംഘനവുമാണ് ഉത്തരവിലെ പരാമർശങ്ങളെന്ന് നിയമരംഗത്തെയും പൊതുരംഗത്തെയും പ്രമുഖർ പറഞ്ഞു.
ഉത്തരവിൽ പ്രതിയുടെ മക്കളുടെ സ്ഥാനമാനങ്ങളടക്കം ചൂണ്ടിക്കാട്ടി സമൂഹത്തിൽ ഉന്നതപദവിയുള്ളയാൾ പീഡനം നടത്താനിടയില്ലെന്നും പറയുന്നുണ്ട്. ഇത്തരത്തിലുള്ള നിഗമനങ്ങളും ശരിയല്ലെന്നും വിമർശനമുയരുന്നുണ്ട്. സെഷൻസ് ജഡ്ജിയുടെ പരാമർശത്തിനെതിരെ ഹൈക്കോടതി രജിസ്ട്രാർക്ക് പരാതി നൽകാനാണ് ഇരയായ യുവതിയുടെ തീരിമാനം. അപ്പീൽ നൽകാൻ പ്രോസിക്യൂഷനും ആലോചിക്കുന്നുണ്ട്.
സിവിക് ചന്ദ്രനെതിരായ ആദ്യ പീഡനപരാതിയിൽ കോഴിക്കോട് സെഷൻസ് കോടതി പട്ടികജാതി പട്ടികവർഗ്ഗ പീഡന നിയമത്തെ വ്യാഖ്യാനിച്ചതിനെച്ചൊല്ലിയും വിമര്ശനം ഉയര്ന്നിട്ടുണ്ട്. പരാതിക്കാരി പട്ടികജാതിക്കാരിയായതിനാൽ എസ്സി എസ്ടി നിയമ പരിരക്ഷ ഉണ്ട്. എന്നാൽ സിവികിന് ജാതിയില്ലെന്ന് ചൂണ്ടിക്കാട്ടി എസ്സി എസ്ടി നിയമം നിലനിൽക്കില്ലെന്നാണ് കോടതിയുടെ ഉത്തരവ്. ജാതിയില്ലാ എന്ന് സിവികിന്റെ എസ്എസ്എൽസി ബുക്കിലുണ്ട്. അദ്ദേഹം സാമൂഹ്യ പരിഷ്കർത്താവാണ് എന്നും കോടതി പറയുന്നു. അത്തരമൊരാൾക്കെതിരെ എങ്ങിനെ എസ്സി എസ്ടി അതിക്രമ നിരോധന നിയമം ചുമത്തും എന്നാണ് കോടതിയുടെ ചോദ്യം. ഇത് നിയമലംഘനമാണെന്ന് ദളിത് അവകാശ പ്രവർത്തകർ ചൂണ്ടിക്കാട്ടുന്നു. ആഗസ്റ്റ് 2 നാണ് ഈ ഇത്തരവ് പുറത്തിറങ്ങിയതെങ്ഖിലും രണ്ടാമത്തെ ജാമ്യ ഉത്തരവിലെ പരാമർശങ്ങൾ വിവാദമയതോടെയാണ് ഇതും ചർർച്ചാവിഷയമായത്. ദളിതർക്ക് വേണ്ടിയുണ്ടാക്കിയ നിയമത്തിലെ അന്തസത്തയാണ് കോടതി ചോദ്യം ചെയ്തതെന്നാണ് നിയമവിദഗ്ധരുടെ വിലയിരുത്തൽ.
