നീറ്റ് പരീക്ഷാ നടത്തിപ്പിനിടെ അടിവസ്ത്രം അഴിപ്പിച്ചതായുള്ള പരാതി ഉയർന്ന സംഭവത്തിൽ വിവാദത്തിനിരയായ കുട്ടികൾക്കായി വീണ്ടും പരീക്ഷ നടത്തും. സെപ്തംബര് നാലിന് പെണ്കുട്ടികള്ക്ക് വീണ്ടും പരീക്ഷ എഴുതാമെന്ന് ദേശീയ പരീക്ഷാ ഏജന്സി ഉത്തരവിറക്കി.
രാജ്യത്ത് ആറിടങ്ങളിലാണ് പരീക്ഷ വീണ്ടും നടത്താന് തയ്യാറെടുക്കുന്നത്. മറ്റിടങ്ങളിലെ പുനപരീക്ഷയുടെ കാരണം വ്യക്തമല്ല.
സെപ്തംബര് നാലിനാകും പുനപരീക്ഷ. വിദ്യാര്ത്ഥികളുടെ വീടുകളില് അറിയിപ്പ് ലഭിച്ചിട്ടുണ്ട്.
കൊല്ലം ആയൂരിലെ കോളജിലാണ് പരീക്ഷ എഴുതാനെത്തിയ പെണ്കുട്ടികളുടെ അടിവസ്ത്രം ഉദ്യോഗസ്ഥര് അഴിപ്പിച്ച് പരിശോധിച്ചതായി പരാതി ഉയര്ന്നത്. സംഭവത്തില് അപമാനിതയായ ഒരു പെണ്കുട്ടി കൊട്ടാരക്കര ഡിവൈഎസ്പിക്ക് പരാതി നല്കി. ഇതോടെയാണ് വിവരം പുറത്തറിഞ്ഞത്. മനുഷ്യാവകാശ കമ്മീഷന് അന്വേഷണത്തിന് ഉത്തരവിട്ടിരുന്നു.
