ഒക്ടോബർ രണ്ടിന് നടത്താനിരുന്ന ആർ.എസ്.എസ് റാലിക്ക് റാലിക്ക് അനുമതി നിഷേധിച്ച് തമിഴ്നാട് സർക്കാർ. ക്രമസമാധാന പ്രശ്നം ചൂണ്ടിക്കാട്ടിയാണ് നടപടി. റൂട്ട് മാർച്ച് നടത്താൻ അനുമതി തേടി തിരുവള്ളൂർ പൊലീസിന് നൽകിയ അനുമതിയാണ് ആവശ്യം തള്ളി. 50 സ്ഥലങ്ങളിൽ റാലി നടത്താനായിരുന്നു പരിപാടി.
ഈ തീരുമാനത്തിനെതിരെ ആഭ്യന്തര സെക്രട്ടറി, ഡി.ജി.പി ഉൾപ്പെടെയുള്ള ഉദ്യോഗസ്ഥർക്ക് ആർ.എസ്.എസ് വക്കീൽ നോട്ടീസ് അയച്ചു.
മദ്രാസ് ഹൈക്കോടതിയിൽ നിന്നും നേരത്തെ റാലിക്ക് അനുമതി തേടിയിരുന്നു. ഇതിനായി പൊലീസിനോട് ഉത്തരവിട്ടിരുന്നു. കോടതിയുടെ ഉത്തരവുണ്ടായിട്ടും അനുമതി നിഷേധിച്ചതായാണ് ആർ.എസ്.എസ് വക്കീൽ നോട്ടീസ്. സംസ്ഥാന ആഭ്യന്തര സെക്രട്ടറി ഫണീന്ദ്ര റെഡ്ഡി, ഡി.ജി.പി സി ശൈലേന്ദ്ര ബാബു, ലോക്കൽ എസ്.പി, ടൗൺ പൊലീസ് ഇൻസ്പെക്ടർ എന്നിവർക്കാണ് ആർ.എസ്.എസ് വക്കീൽ നോട്ടീസ് അയച്ചത്.
എന്നാൽ സർക്കാർ ഉറച്ച നിലപാട് എടുത്തു. ക്രമസമാധാന പ്രശ്നനവും വിഭാഗീയതയും ചൂണ്ടികാട്ടിയാണ് നടപടി. സംസ്ഥാനത്തെ നിലവിലെ സാഹചര്യങ്ങള് പരിഗണിച്ച് ആര്.എസ്.എസ്. മാര്ച്ചിന് അനുമതി നല്കാനാവില്ലെന്നാണ് സര്ക്കാരിന്റെ നിലപാട്.
പോപ്പുലര് ഫ്രണ്ടിന്റെ നിരോധനത്തിന് പിന്നാലെ സംസ്ഥാനത്തെ പലയിടത്തും പോലീസ് കനത്ത ജാഗ്രതയിലാണ്. പോപ്പുലര് ഫ്രണ്ട് കേന്ദ്രങ്ങളിലും കൂടുതല് പോലീസിനെ വിന്യസിച്ചിട്ടുണ്ട്. ചെന്നൈയില് മാത്രം നാലായിരത്തോളം പോലീസുകാരെയാണ് വിന്യസിച്ചിട്ടുള്ളത്. കോയമ്പത്തൂര് മേഖലയില് ആയിരത്തോളം പോലീസുകാരെയും സുരക്ഷയ്ക്കായി നിയോഗിച്ചിട്ടുണ്ട്. ഈ സാഹചര്യത്തില് ആര്.എസ്.എസ നടത്തുന്ന റൂട്ട് മാര്ച്ചിന് സുരക്ഷ ഒരുക്കാന് കഴിയില്ലെന്നാണ് സംസ്ഥാന സര്ക്കാര് അറിയിച്ചിരിക്കുന്നത്.
സംസ്ഥാനത്തൊട്ടാകെയുള്ള ആർഎസ്എസ് പരിപാടികൾക്ക് അനുമതി നൽകാൻ പൊലീസിന് നിർദേശം നൽകിയ സിംഗിൾ ജഡ്ജിയുടെ ഉത്തരവ് പിൻവലിക്കണം എന്നാവശ്യപ്പെട്ട് വിസികെ നേതാവ് തോൽ തിരുമാവളവൻ സമർപ്പിച്ച ഹരജികളിൽ അടിയന്തര വാദം കേൾക്കണമെന്ന ആവശ്യം മദ്രാസ് ഹൈക്കോടതിയുടെ ഒന്നാം ബെഞ്ച് നിരസിച്ചിരുന്നു. ഇതും മറികടന്നാണ് നിരോധനം
