ഇറാനിയൻ ജനാധിപത്യ അവകാശ പോരാളികളുടെ മുദ്രാവാക്യങ്ങൾ പാട്ടിലാക്കി ലോക മനസാക്ഷിയുടെ മുന്നിൽ വെച്ച ഗാനരചയിതാവിന് ഗ്രാമി പുരസ്കാരം. ഇതോടെ അതിരുകൾ ഭേദിച്ച് സംഗീത പ്രേമികളുടെ ഹൃദയത്തിലും പാട്ട് തരംഗമായി പടരുന്നു. പക്ഷെ അപ്പോഴും Shervin Hajipur തടവറുടെ ഭീഷണിയിലാണ്. സാമൂഹിക മാറ്റത്തിനുള്ള മികച്ച രചനയായാണ് ഹാജിപൊർ പുരസ്കൃതനായത്. പാട്ടു രചിച്ചതിന് കലാപം പടർത്തി എന്ന പേരിലാണ് ജയിലിൽ അടച്ചത്.
ഗ്രാമി പുരസ്കാരത്തിൽ ആദ്യമായാണ് ഈ ഒരു ഇനം ഉൾപ്പെടുത്തിയത്. വർത്തമാന കാല സംഭവങ്ങളോട് സാമൂഹിക മാറ്റം മുൻനിർത്തി സംവദിക്കുന്ന പാട്ടുകളാണ് ഈ വിഭാഗത്തിൽ പരിഗണിക്കുക. 1 30 000 പാട്ടുകൾ ചികഞ്ഞാണ് അവാർഡ് നിർണയം നടത്തിയത് എന്ന് ഗ്രാമി റെക്കോഡുകൾ വ്യക്തമാക്കുന്നു.
‘Baraye’ = ആയതിനാൽ എന്ന പദത്തോടെ തുടങ്ങുന്ന ഈ പാട്ട് ഇറാനിലെ പോരാടുന്ന യുവതയുടെ ഹൃദയത്തിലെ ആവേശവും ചുണ്ടിലെ മുദ്രാവാക്യവുമായിരുന്നു. സദാചാര പൊലീസ് കസ്റ്റഡിയിൽ 22 കാരി മഷാ അമിനി മരിച്ചതോടെ അത് കത്തി പടർന്നു. അധികാരത്തെ ഉലച്ചു കൊണ്ട് ലോകത്തിലേക്ക് പടർന്നു കയറി.
അമേരിക്കൻ പ്രഥമ വനിത ജിൽ ബൈഡനാണ് നിറകണ്ണുകളോടെ പുരസ്കാരം സമ്മാനിച്ചത്. ഫെബ്രുവരി 5 ന് ഓൺലൈനിലൂടെയാണ് ഹാജിപൊർ അതിന് സാക്ഷിയായി ഏറ്റുവാങ്ങിയത്. ജാമ്യത്തിൽ കഴിയുമ്പോൾ അജ്ഞാത കേന്ദ്രത്തിൽ നിന്നാണ് പങ്കെടുത്തത്. വിചാരണ കാത്ത് കഴിയുകയാണ് ഇപ്പോൾ ഗാനരചയിതാവ്
ഈ പാട്ട് 48 മണിക്കൂർ കൊണ്ട് ഇറാനിയൻ ഭരണ കൂടം ഓൺലൈനിൽ നിന്നും നീക്കി. പക്ഷെ അപ്പോഴേക്കും 40 മില്യൺ ആളുകൾ അത് കേട്ടു കഴിഞ്ഞിരുന്നു. 95000 പേർ ഈ വരികൾ ഗ്രാമിയുടെ പുതിയ പുരസ്കാര ഇനത്തിലേക്ക് നിർദ്ദേശിച്ചു.
ഓപ്പറ വേർഷൻ
