സ്ട്രേഞ്ചർ തിങ്സ് നാലാം സീസൺ കാഴ്ചക്കാരിൽ തരംഗം സൃഷ്ടിച്ച് മുന്നേറുമ്പോഴും സ്ക്വിഡ് ഗെയിം റെക്കോർഡ് ഭദ്രം. നെറ്റ്ഫ്ലിക്സ് ചരിത്രത്തിലെ തന്നെ ഏറ്റവും വലിയ ഇംഗ്ലീഷ് ടിവി സീരീസായി ഇപ്പോൾ വിശേഷിപ്പിക്കപ്പെടുന്നത് സ്ട്രേഞ്ചർ തിങ്സ് സീസൺ ഫോറാണ്. എന്നാൽ നെറ്റ് ഫ്ലിക്സിലെ മൊത്തം കാഴ്ചക്കാരിൽ സ്ക്വിഡ് ഗെയിംസിനെ മറികടക്കാനായില്ല.
സ്ട്രേഞ്ചർ തിങ്സ് ആദ്യ മാസം 1.352 ബില്ല്യൺ മണിക്കൂറുകൾ സ്ട്രീം ചെയ്യപ്പെട്ടു. രണ്ട് ഭാഗങ്ങളായാണ് സീസൺ ഫോർ സ്ട്രീം ചെയ്തത്. ഇത് രണ്ടും കൂടിയുള്ള കണക്കാണിത്. അതേസമയം, സ്ക്വിഡ് ഗെയിംസ് ആവട്ടെ 1.650 ബില്ല്യൺ മണിക്കൂറുകൾ സ്ട്രീം ചെയ്യപ്പെട്ടു. 28 ദിവസത്തെ കണക്കിലാണ്.
എന്നാൽ ഈ മേൽക്കൈ കോവിഡ് കാലത്തെ ബോറടിയിൽ നേടിയതാണ് എന്ന് വാദിക്കുന്നവരുമുണ്ട്.
നെറ്റ്ഫ്ലിക്സ് സീസൺ ഫോറിൻ്റെ ആദ്യ ഭാഗം മെയ് 27നാണ് പുറത്തിറങ്ങിയത്. ഏഴ് എപ്പിസോഡുകൾ ആദ്യ ഭാഗത്തിലുണ്ടായിരുന്നു. രണ്ട് എപ്പിസോഡുകൾ അടങ്ങിയ രണ്ടാം ഭാഗം ജൂലായ് ഒന്നിന് റിലീസായി. സീരീസിന് ഇനിയൊരു ഫൈനൽ സീസൺ കൂടിയുണ്ടാവുമെന്ന് അണിയറ പ്രവർത്തകർ അറിയിച്ചിരുന്നു.
സ്ക്വിഡ് ഗെയിമിൻ്റെ ആകെ സമയം 8 മണിക്കൂറാണ്. അതേസമയം, സ്ട്രേഞ്ചർ തിങ്സ് സീസൺ 4.13 മണിക്കൂറുണ്ട്. അഞ്ച് മണിക്കൂർ അധികമുണ്ടെങ്കിലും സ്ക്വിഡ് ഗെയിമിനെ മറികടക്കാൻ സ്ട്രേഞ്ചർ തിങ്സിനു കഴിഞ്ഞില്ല. ഒന്നാം സ്ഥാനത്ത് സ്ക്വിഡ് ഗെയിമും രണ്ടാം സ്ഥാനത്ത് സ്ട്രേഞ്ചർ തിങ്സും ഉള്ള പട്ടികയിൽ ബ്രിഡ്ജ്ടണിൻ്റെ രണ്ടാം സീസണാണ് മൂന്നാമത്. ആകെ 656 മില്ല്യൺ മണിക്കൂറുകളിൽ ബ്രിഡ്ജ്ടൺ സീസൺ 2 സ്ട്രീം ചെയ്യപ്പെട്ടു.
റൊമാൻ്റിക് ഡ്രാമയായി വെർജിൻ റിവറാണ് ഇംഗ്ലീഷിൽ ഇവയക്ക് ഒപ്പം പ്രേക്ഷകരുടെ എണ്ണത്തിൽ മത്സരത്തിലുള്ളത്. കൊറിയൻ എൻട്രിയിൽ ഇത് എക്സ്ട്രാ ഓർഡിനറി അറ്റോണി വൂ ആണ്
