കെപിസിസി അധ്യക്ഷനെ നിശ്ചയിക്കുന്നതിനുള്ള തെരഞ്ഞെടുപ്പ് സെപ്റ്റംബർ 15 ന് നടക്കും. ജനറൽ ബോഡി യോഗത്തിലാണ് അധ്യക്ഷനെ തെരഞ്ഞെടുക്കുക. കെ സുധാകരൻ തന്നെ തുടരുന്ന വിധമാവും സമവായം എന്നാണ് നിശ്ചയിക്കപ്പെടാനുളളത്
കേരളത്തിൽ ഈ സ്ഥാനത്തേക്ക് അഭിപ്രായ വ്യത്യാസം ഇല്ലാത്തതിനാൽ സമവായത്തിലൂടെയാകും ഭാരവാഹികളെ നിശ്ചയിക്കുക. ജി. പരമേശ്വരയ്യയാണ് തെരഞ്ഞെടുപ്പ് റിട്ടേണിംഗ് ഓഫീസർ.
കോൺഗ്രസിൽ എ.ഐ.സി.സി തെരഞ്ഞെടുപ്പ് ഉൾപ്പടെ ഷെഡ്യൂൾപ്രകാരം അതിന്റെ നടപടിക്രമങ്ങൾ പൂർത്തീകരിച്ചുകൊണ്ടിരിക്കുകയാണ്. ഇതിന്റെ തുടർച്ചയായാണ് ഓരോ സംസ്ഥാനങ്ങളിലെയും അദ്ധ്യക്ഷൻമാരെ ജനാധിപത്യ രീതിയിൽ തെരഞ്ഞെടുക്കുന്നു എന്ന് ഉറപ്പാക്കുന്നത്.
15ന് 11 മണിക്ക് ഇന്ദിരാഭവനിൽ നടക്കുന്ന ജനറൽ ബോഡി യോഗത്തിലാണ് പുതിയ അദ്ധ്യക്ഷനെ തെരഞ്ഞെടുക്കുന്നത്. കെപിസിസി ഭാരവാഹി പട്ടികയ്ക്കും കഴിഞ്ഞ ദിവസം എഐസിസി നേതൃത്വം അംഗീകാരം നൽകിയിരുന്നു. പട്ടിക 15ന് പുറത്തുവിടും. 280 അംഗങ്ങളാണുള്ളത്. യുവാക്കൾക്ക് പ്രാമുഖ്യം ലഭിക്കും എന്നാണ് വാർത്തകൾ
