കേരളത്തിൽ ആദ്യത്തെ ഫൈവ് ജി നെറ്റ് വർക്ക് നഗരമായി കൊച്ചി. പനമ്പിള്ളി നഗറിൽ മുഖ്യമന്ത്രി പിണറായി വിജയൻ ഓൺലൈനായി നെറ്റ് വർക്ക് ഉദ്ഘാടനം ചെയ്തു. 5 ജി സേവനം കേരളത്തിലെ ആരോഗ്യ, വിദ്യാഭ്യാസ, ഐ ടി മേഖലകൾക്ക് ഊർജം പകരുമെന്ന് മുഖ്യമന്ത്രി പറഞ്ഞു.
കൊച്ചി കോർപ്പറേഷൻ പരിധിയിലും ഗുരുവായൂർ ക്ഷേത്ര പരിസരത്തും ചൊവ്വാഴ്ച മുതൽ 5ജി സേവനങ്ങൾ ലഭ്യമാകും. ജിയോ ട്രൂ 5ജി സേവനങ്ങൾക്കാണ് തുടക്കമിട്ടത്.
അടുത്ത ഒരു മാസത്തിനുള്ളിൽ കേരളത്തിലെ പ്രധാനപ്പെട്ട നഗരങ്ങളിലേക്കും 5ജി എത്തും.ഡിസംബർ അവസാനത്തോടെ എല്ലാ താലൂക്കുകളിലും 5ജി സേവനങ്ങൾ ലഭ്യമാക്കും.
