വരുംദിവസങ്ങളില് കേരളത്തിലെ കൂടുതല് കോണ്ഗ്രസ്, സിപിഎം നേതാക്കള് ബിജെപിയില് ചേരുമെന്ന് ബിജെപി സംസ്ഥാന അധ്യക്ഷന് കെ.സുരേന്ദ്രന്. അധികം വൈകാതെ തന്നെ കേരളത്തില് ബിജെപി സര്ക്കാര് രൂപീകരിക്കുമെന്നും സുരേന്ദ്രന് അവകാശപ്പെട്ടു. എ.കെ.ആന്റണിയുടെ മകന് അനില് ആന്റണി ബിജെപിയില് ചേര്ന്നതിന് പിന്നാലെ വാര്ത്താ ഏജന്സിയായ എ.എന്.ഐയോട് പ്രതികരിക്കുകയായിരുന്നു സുരേന്ദ്രന്.
‘പ്രധാനമന്ത്രി മോദിയുടെ വികസന അജണ്ടയെ കുറിച്ച് കേരളത്തിലെ ജനങ്ങള്ക്ക് നന്നായി അറിയാം. യുവാക്കള്ക്ക് മാതൃകയാണ് മോദി. വരുംദിവസങ്ങളില് കൂടുതല് കൂടുതല് കോണ്ഗ്രസ് സിപിഎം നേതാക്കള് ബിജെപിയില് ചേരും. കൂടുതല് നേതാക്കള് മോദിയെ പിന്തുണയ്ക്കും. കേരളത്തില് മാറ്റമുണ്ടാകും, സംസ്ഥാനത്ത് ബിജെപി സര്ക്കാര് രൂപീകരിക്കുകയും ചെയ്യുമെന്നും സുരേന്ദ്രന് വ്യക്തമാക്കി.
