റിലയന്സ് ജിയോ ട്രൂ 5ജി സേവനങ്ങള് ഇനിമുതല് തൃശ്ശൂരും കോഴിക്കോട് നഗരപരിധിയിലും ലഭിക്കുമെന്ന് കമ്പനി അറിയിച്ചു. കൊച്ചി, തിരുവനന്തപുരം എന്നിവിടങ്ങളില് നിലവിൽ ലഭ്യമായി കഴിഞ്ഞു.
ജനുവരി 10 മുതല്, തൃശ്ശൂരിലും കോഴിക്കോടും ഉള്ള ജിയോ ഉപയോക്താക്കള്ക്ക് ജിയോ വെല്ക്കം ഓഫറിലേക്ക് ക്ഷണം ലഭിക്കും. ഫൈവ് ജി ഫോൺ ഉള്ളവർക്ക് ഓഫർ സ്വീകരിക്കാം. 4ജി നെറ്റ്വര്ക്കിനെ ആശ്രയിക്കാത്ത സ്റ്റാന്ഡലോണ് 5ജി നെറ്റ്വര്ക്കാണ് ജിയോയുടേത്.
സിം കാര്ഡുകള് മാറ്റേണ്ടതില്ല. 5ജി പിന്തുണയ്ക്കുന്ന ഫോണില് പോസ്റ്റ്പെയ്ഡ് കണക്ഷനോ അടിസ്ഥാന പ്രീപെയ്ഡ് റീച്ചാര്ജായ 239 രൂപയോ അതിനു മുകളിലുള്ള റീച്ചാര്ജോ ഉണ്ടായിരിക്കണം എന്നു മാത്രമാണ് നിബന്ധന. ഇതുവഴി അധിക ചിലവുകളൊന്നുമില്ലാതെ 1 Gbps+ വേഗതയില് അണ്ലിമിറ്റഡ് ഡാറ്റ ആസ്വദിക്കാം.
കുറഞ്ഞ ലേറ്റന്സി കണക്റ്റിവിറ്റി, മെഷീന്-ടു-മെഷീന് ആശയവിനിമയം, 5ജി വോയ്സ്, എഡ്ജ് കമ്പ്യൂട്ടിംഗ്, നെറ്റ്വര്ക്ക് സ്ലൈസിംഗ് എന്നീ സേവനങ്ങള് സ്റ്റാന്ഡലോണ് 5ജി ഉപയോഗിച്ച് ജിയോയ്ക്ക് നല്കാന് കഴിയുമെന്ന് കമ്പനി അവകാശപ്പെട്ടു. സിം 5ജി കവറേജുള്ള സ്ഥലത്താണ് കൂടുതല് സമയമെങ്കില് ജിയോ വെല്ക്കം ഓഫര് ലഭിക്കാനുള്ള അര്ഹത കൂടിയിരിക്കും.
