കോഴിക്കോട് അന്താരാഷ്ട്ര വനിതാ ഫിലിം ഫെസ്റ്റ് ശനിയാഴ്ച തുടങ്ങും

സംസ്ഥാന ചലച്ചിത്ര അക്കാദമിയുടെ മൂന്നാമത് അന്താരാഷ്ട്ര വനിതാ ചലച്ചിത്രമേളയിൽ 16, 17, 18 തീയതികളിൽ കോഴിക്കോട് കൈരളി, ശ്രീ തിയേറ്ററുകളിൽ നടക്കും. വനിതാസംവിധായകരുടെ 24 ചിത്രങ്ങൾ പ്രദർശിപ്പിക്കും.

ഉദ്ഘാടന ചിത്രം ക്ലാര

26-ാമത് ഐ.എഫ്.എഫ്.കെ.യിൽ മികച്ച ചിത്രത്തിനുള്ള സുവർണചകോരവും മികച്ച നവാഗതസംവിധായികയ്ക്കുള്ള രജതചകോരവും നേടിയ ‘ക്ലാരസോള’യാണ് ഉദ്ഘാടനച്ചിത്രം. മേളയിൽ ചിത്രത്തിന്റെ രണ്ടുപ്രദർശനങ്ങളുണ്ടായിരിക്കും. 16-ന് വൈകീട്ട് ആറിന് കൈരളി തിയേറ്ററിലെ ഉദ്ഘാടനച്ചടങ്ങിനുശേഷമായിരിക്കും പ്രദർശനം.

പ്രദർശനം 16,17 തീയതികളിൽ

ലോകസിനിമ, ഇന്ത്യൻസിനിമ, മലയാളസിനിമ, ഡോക്യുമെന്ററി, ഷോർട്ട് ഫിക്‌ഷൻ എന്നീ വിഭാഗങ്ങളിലായാണ് പ്രദർശനം. 17, 18 തീയതികളിൽ വൈകീട്ട് അഞ്ചിന് ഓപ്പൺഫോറമുണ്ടാവും.

26-ാമത് ഐ.എഫ്.എഫ്.കെയിൽ ഇനസ് മരിയ ബാറിയോനുയേവയ്ക്ക് മികച്ചസംവിധായികയ്ക്കുള്ള രജതചകോരം നേടിക്കൊടുത്ത ‘കമീല കംസ് ഔട്ട് റ്റുനൈറ്റ്’എന്ന അർജന്റീനൻ ചിത്രവും മേളയിലുണ്ട്.

പങ്കെടുക്കാം

15-ന് ഡെലിഗേറ്റ് പാസ് വിതരണം തുടങ്ങും. കൈരളി തിയേറ്ററിലെ സ്വാഗതസംഘം ഓഫീസിൽ സജ്ജീകരിച്ച ഹെൽപ് ഡെസ്ക് മുഖേന ഓഫ് ലൈൻ ഡെലിഗേറ്റ് രജിസ്‌ട്രേഷൻ നടത്താം. https://regitsration.iffk.in/ എന്ന വെബ്‌സൈറ്റ് മുഖേന ഓൺലൈനായും ഡെലിഗേറ്റാവാം.

മുതിർന്നവർക്ക് 300 രൂപയും വിദ്യാർഥികൾക്ക് 200 രൂപയുമാണ് ഫീസ്.

ഏതൊക്കെ സിനിമകൾ എന്നൊക്കെ

16-ന്

കൈരളി: രാവിലെ 10.15 -എ ടെയ്ൽ ഓഫ് ലവ് ആൻഡ് ഡിസയർ (ലൈല ബൗസിദ്), 12.30- യുനി (കാമില അൻഡിനി), 3.15 -കമീല കംസ് ഔട്ട് റ്റുനൈറ്റ് (ഇനസ് മരിയ ബാറിയോനുയേവ), 6.00 (ഉദ്ഘാടനശേഷം)-ക്ലാര സോള (നതാലി അൽവാരസ് മെസന്റെ)

ശ്രീ: 10.00- സെംഖോർ(ഐമി ബറുവ), 12.15- ക്രൈം ആൻഡ് എക്സ്പിയേഷൻ ബൈ ജെജെ ഗ്രാൻഡ് വിൽ ഓർ ഹൗ ടു ഷൂട്ട് ആൻ ഓപ്പൺ സീക്രട്ട് (റെനു സാവന്ത്), ഹോം അഡ്രസ്സ് (മധുലിക ജലാലി), 3.00- ഡൈവോഴ്‌സ് (മിനി ഐജി)

17-ന്

കൈരളി: 10.15 -യു റിസംബ്ൾ മി (ദിന അമീർ), 12.30 -മുറിന (അന്റോണിറ്റ കുസിഞ്ചാനോവിക്), 3.15 -ബെർഗ് മാൻ ഐലൻഡ് (മിയ ഹാൻസൻ ലവ്), 6.15 -അലേയ് (ഹലിത ഷമീം)

ശ്രീ: 10.00- വൈറൽ സെബി (വിധു വിൻസെന്റ്), 12.15- ഫ്ലഷ്‌ (അയിഷ സുൽത്താന), 3.00 -സിറ്റി ഗേൾസ് (പ്രിയ തുവ്വശ്ശേരി), 21 അവേഴ്‌സ് (സി.വി. സുനിത), ദ ഡേ ഐ ബികേം എ വുമൺ (മുപിയ മുഖർജി), 6.00- ഫോർബിഡൻ/ നിഷിദ്ധോ (താര രാമാനുജൻ).

18-ന്

കൈരളി: 9.45 – കോസ്റ്റ ബ്രാവ ലബനോൺ (മൗനിയ അകൽ), 12.00 – ഡീപ് സിക്സ് (മധുജ മുഖർജി), 3.15- കോപിലോട്ട്/ ഡൈ ഫ്രൗ ഡെസ് പിലോട്ടെൻ (ആനി സൊഹ്‌റ ബെറാച്ചേദ്), 6.15 -എ ടെയ്ൽ ഓഫ് ലവ് ആൻഡ് ഡിസയർ (ലൈല ബൗസിദ്)

ശ്രീ: 9.30 -സൂററൈ പോട്ര് (സുധ കൊൻഗര), 12.15 -ക്ലാര സോള (നതാലി അൽവാരസ് മെസന്റെ), 3.00-കാറ്റ് ഡോഗ് (അഷ്മിത ഗുഹ), ഹോളി റൈറ്റ്‌സ് (ഫർഹ ഖാത്തുൻ), 6.00 -കമീല കംസ് ഔട്ട് റ്റുനൈറ്റ് (ഇനസ് മരിയ ബാറിയോനുയേവ).