എകെജി സെൻ്ററിന് നേരേ ഉണ്ടായ ആക്രമണത്തില് പ്രതിഷേധിച്ച് കോഴിക്കോട് സിപിഎം നടത്തിയ പ്രതിഷേധ പരിപാടിയിലെ പ്രസംഗം വിവാദത്തിൽ.
കോണ്ഗ്രസുകാരെ വെള്ളപുതപ്പിച്ച് കിടത്തുമെന്നാണ് മുന്നറിയിപ്പ് നല്കിയത്. സിപിഎം കോഴിക്കോട് ടൗണ് ഏരിയാ കമ്മിറ്റി അംഗമായ ഒ.എം ഭരദ്വാജാണ് പ്രസംഗം നടത്തിയത്.കെ സുധാകരന് ഭ്രാന്താണെങ്കില് ചങ്ങലക്കിടണമെന്നും ഭരദ്വാജ് പ്രസംഗത്തില് പറഞ്ഞു.
‘ആറ് വര്ഷമായി അധികാരമില്ലാതായ ഭ്രാന്താണ് സുധാകരന്. അദ്ദേഹത്തിന് ഭ്രാന്താണെങ്കില് ചങ്ങലക്കിടണം. അതല്ലാതെ ഗുണ്ടാ സംഘങ്ങളെ സിപിഎമ്മിന്റെ ആസ്ഥാനം ആക്രമിക്കാന് പറഞ്ഞയക്കുകയല്ല.
നിങ്ങളെ പോലെ പിപ്പിടികാട്ടി മതിലില് ബോംബെറിഞ്ഞ് പോവുകയല്ല ഞങ്ങള് ചെയ്യുക. ഞങ്ങളെക്കൊണ്ട് അത്തരമൊരു പ്രവര്ത്തി ചെയ്യിച്ചാല് എല്ലാവരേയും വെള്ളപുതപ്പിച്ച് കിടത്താന് പ്രസ്ഥാനത്തിന് അറിയാം’, ഭരദ്വാജ് പറഞ്ഞു.
നേരത്തെ അമ്പലപ്പുഴയില് സിപിഎം നടത്തിയ പ്രകടനത്തിലും പ്രകോപന മുദ്രാവാക്യം ഉയര്ന്നതായി പരാതി ഉണ്ടായിരുന്നു. എച്ച് സലാം എംഎല്എയുടെ നേതൃത്വത്തില് നടത്തിയ പ്രകടനത്തിനെതിരായൊണ് പരാതി ഉണ്ടായത്
