തനിക്കെതിരെ ഗൂഢാലോചന തുടരുന്നുവെന്ന് എൽഡിഎഫ് കൺവീനർ ഇ.പി ജയരാജൻ. ആരാണ് ഗൂഢാലോചന നടത്തുന്നതെന്ന് സമയമാകുമ്പോൾ പറയും. കണ്ണൂരിലെ വൈദേകം റിസോർട്ടുമായി ബന്ധമില്ല. ആദായ നികുതി വകുപ്പ് ടിഡിഎസ് വിഭാഗമാണ് പരിശോധന നടത്തിയതെന്നും ഇ പി ജയരാജൻ പ്രതികരിച്ചു.
വൈദേകം റിസോർട്ട് കേന്ദ്രീകരിച്ചുള്ള വിവാദത്തിന് പിന്നാലെ കേന്ദ്ര നികുതി വകുപ്പ് പരിശോധന നടന്നതോടെയാണ് ഇ.പി ജയരാജന്റെ ഗൂഢാലോചനാ ആരോപണം. തനിക്കെതിരെ ഗൂഢാലോചന നടക്കുന്നു. ആരാണ് പിന്നിലെന്നറിയാം. സമയമാകുമ്പോൾ പറയും.
പാർട്ടിയിൽ നിന്നാണോ ഗൂഢാലോചനയെന്ന ചോദ്യത്തിന് മറുപടി ഇങ്ങനെ. ടിഡിഎസ് അടയ്ക്കുന്നതുമായി ബന്ധപ്പെട്ട പരിശോധനയാണ് ആദായനികുതി വകുപ്പ് നടത്തിയതെന്നും ഇ പി ജയരാജൻ പ്രതികരിച്ചു. കൊച്ചിയിലെ മാധ്യമ പ്രവർത്തകൻ നൽകിയ പരാതിയിൽ വൈദേകം റിസോർട്ടിനെതിരെ ഇ.ഡിയും പ്രാഥമിക അന്വേഷണം ആരംഭിച്ചിട്ടുണ്ട്.
