തിരുവോണ ദിവസമായ സെപ്റ്റംബര് എട്ട് വ്യാഴാഴ്ച സംസ്ഥാനത്തെ ബിവറേജസ് ഔട്ട്ലെറ്റുകള് തുറക്കില്ല. തിരുവോണം പ്രമാണിച്ച് അവധിയായിരിക്കുമെന്ന് ബെവ്കോ സര്ക്കുലര് പുറത്തിറക്കി. അന്ന് സംസ്ഥാനത്തെ ബാറുകള്ക്ക് തുറന്നുപ്രവര്ത്തിക്കാം.
തിരുവോണദിവസം ബെവ്കോ ഔട്ട്ലെറ്റുകള് വഴിയുള്ള മദ്യവില്പ്പനയുണ്ടാകില്ല. ബെവ്കോ ഔട്ട്ലെറ്റുകളില് അസാധാരണ തിരക്കാണ് അനുഭവപ്പെടുന്നത്. കൌണ്ടറുകളും പ്രീമിയം സൌകര്യവും വർധിപ്പിച്ചതായി ബെവ്കോ അവകാശപ്പെടുന്നുണ്ട്. സാധാരണ കൌണ്ടറുകൾ അതീവ ശോചനീയ അവസ്ഥയിലാണ്. കോടതി വിധി ഉണ്ടായിട്ടു പോലും അവ മെച്ചപ്പെടുത്താനോ വൃത്തിയാക്കാനോ കോർപ്പറേഷൻ തയാറായിട്ടില്ല.
