വിദ്യാർഥികൾക്ക് കരിയർ ഗൈഡൻസ് ക്ലാസും ഒപ്പം തൊഴിൽ സാധ്യതയുള്ള പഠന മേഖലകൾ പരിചടപ്പെടുത്താനും ഉദ്ദേശിച്ച് കൈറ്റ്സ് വിക്ടേഴ്സ് ചാനലിൽ ക്ലാസുകൾ തുടങ്ങുന്നു.
ഹൈസ്കൂള്, ഹയര് സെക്കന്ഡറി ക്ലാസുകളിലെ കുട്ടികള്ക്കായി ‘വാട്ട്സ് എഹെഡ്’ എന്ന പ്രത്യേക കരിയര് ഗൈഡന്സ് പരിപാടി 11 മുതല് എല്ലാ ദിവസവും വൈകീട്ട് ഏഴിന് കൈറ്റ് വിക്ടേഴ്സില് സംപ്രേഷണം ചെയ്യും. വിദ്യാർഥികളെ ഉദ്ദേശിച്ചാണെങ്കിലും ആർക്കും പ്രയോജനപ്പെടുത്താം.
ദിവസവും അര മണിക്കൂർ ചിലവഴിക്കാം
അഞ്ഞൂറില്പ്പരം തൊഴില്മേഖലകളെക്കുറിച്ചും 25000-ത്തിലധികം കോഴ്സുകളെക്കുറിച്ചുമുള്ള വിവരങ്ങളാണ് ഓരോ ദിവസവും അരമണിക്കൂര് സംപ്രേഷണം ചെയ്യുന്നത്. ഹയര് സെക്കന്ഡറി വിഭാഗത്തിലെ കരിയര് ഗൈഡന്സ് സെല്ലിലെ പരിശീലനം ലഭിച്ച അധ്യാപകരാണ് ‘വാട്ട്സ് എഹെഡ്’ പരിപാടിയിലെ ക്ലാസുകള് അവതരിപ്പിക്കുന്നത്.
പ്ലസ്ടുവിനു ശേഷമുള്ള തുടര്പഠന സാധ്യതകള്, തൊഴില്സാധ്യതകള്, വിവിധ മേഖലകളിലെ പ്രവേശനപ്പരീക്ഷകള്, സ്കോളര്ഷിപ്പുകള്, പ്രമുഖ സ്ഥാപനങ്ങള് തുടങ്ങിയവയെക്കുറിച്ചുള്ള ശരാശരി അഞ്ചു മിനിറ്റ് ദൈര്ഘ്യമുള്ള ഹ്രസ്വ വീഡിയോകളാണ് സംപ്രേഷണം ചെയ്യുന്നതെന്ന് കൈറ്റ് സി.ഇ.ഒ. കെ.അന്വര് സാദത്ത് അറിയിച്ചു.
സൌജന്യമായി കാണാം
ലൈവായി കൈറ്റ് വിക്ടേഴ്സ് വെബ്സൈറ്റിലും (victers.kite.kerala.gov.in) തുടര്ന്ന് യുട്യൂബ് ചാനലിലും(itsvicters) പരിപാടി കാണാം. പുനഃസംപ്രേഷണം അടുത്ത ദിവസം കൈറ്റ് വിക്ടേഴ്സില് രാവിലെ ഏഴിനും കൈറ്റ് വിക്ടേഴ്സ് പ്ലസില് വൈകീട്ട് ഏഴിനും ആയിരിക്കും.
