ഖത്തർ ലോകകപ്പിന്റെ സമാപന ചടങ്ങിൽ പങ്കെടുക്കാൻ ബോളിവുഡ് താരം ദീപിക പദുക്കോൺ എത്തി. ട്രോഫി അനാച്ഛാദനം ചെയ്യുന്നത് ദീപിക പദുകോൺ ആയിരിക്കും എന്ന വാർത്തകൾക്ക് ഇടയിലാണ് താരത്തിൻ്റെ സാന്നിധ്യം. പുതിയ ചിത്രമായ പാഠാനിലെ വേഷത്തിൻ്റെ പേരിൽ ഷരൂഖ് ഖാനെയും ദീപികയെയും രാഷ്ട്രീയമായി വേട്ടയാടുന്നതിനിടെയാണ് ഗ്ലാമർ നിയോഗം.
ആരാധകരോടും സഹയാത്രികരോടും ചിരിച്ചും കൈവീശുയമാണ് ദീപിക പദുക്കോൺ വിമാനത്താവള ലോഞ്ചിലേക്ക് കടന്നത്. രൺവീർ സിങാണ് അവരെ മുംബെ വിമാനത്താവളത്തിൽ കാറിൽ ഡ്രോപ്പ് ചെയ്തത്.
ഫൈനലിന് മുന്നോടിയായി ഖത്തറിലെ ലുസൈൽ സ്റ്റേഡിയത്തിൽ ഫിഫ ലോകകപ്പ് ഫൈനൽ മത്സരത്തിൽ ട്രോഫി അനാച്ഛാദനം നിർവഹിക്കുന്നത് ദീപികയാണെന്നാണ് റിപ്പോർട്ട്. താരം ഖത്തറിലേക്ക് പറക്കുന്ന വിവരം മുംബൈ എയർപോർട്ടിൽനിന്നുള്ള വിഡിയോ ട്വീറ്റ് ചെയ്തതിലൂടെയാണ് അറിഞ്ഞത്. മെസ്സിയുമായ ഒരു സെൽഫി എടുക്കുമോ എന്ന ഫോട്ടോഗ്രാഫറുടെ ചോദ്യത്തിന് പറയാം എന്ന മറുപടിയാണ് താരം നൽകിയത്
ലോകകപ്പിൻറെ ഉദ്ഘാടന ചടങ്ങിൽ മുൻ ഫ്രഞ്ച് ക്യാപ്റ്റൻ മാഴ്സെൽ ഡിസെയ്ലി ആണ് ലോകകപ്പ് ട്രോഫി സ്റ്റേഡിയത്തിലേക്ക് കൊണ്ടുവന്നത്. ചരിത്രത്തിൽ ആദ്യമായാണ് ഒരു സിനിമ താരം ലോകകപ്പ് ട്രോഫി അനാവരണം ചെയ്യാനായി നിയോഗിക്കപ്പെടുന്നത്. മുൻകാലങ്ങളിൽ കഴിഞ്ഞ ലോകകപ്പിൽ കിരീടം നേടിയ ടീമിൻറെ നായകനും, ആതിഥേയ രാജ്യത്തെ പ്രമുഖ മോഡലുകളും ചേർന്നാണ് സ്റ്റേഡിയത്തിലേക്ക് ട്രോഫി എത്തിച്ചിരുന്നത്
