മലയാളിയുടെ കുടുംബ മാഹാത്മ്യ രൂപങ്ങളെ വ്യത്യസ്തമായ തലത്തിൽ തുറന്നു കാണിച്ചു കൊണ്ട് ജനമനസുകളിൽ ഇടം പിടിച്ച ദ് ഗ്രേറ്റ് ഇന്ത്യൻ കിച്ചൻ തമിഴിൻ്റെ പാരമ്പര്യ മഹിമകളെയും തുറന്നു കാണിക്കാനായി ഒരുങ്ങി എത്തുന്നു. സുരാജ് വെഞ്ഞാറമ്മൂടിനെയും നിമിഷ സജയനെയും പ്രധാന കഥാപാത്രങ്ങളാക്കി ജിയോ ബേബി സംവിധാനം ചെയ്ത ദ് ഗ്രേറ്റ് ഇന്ത്യന് കിച്ചന്റെ തമിഴ് റീമേയ്ക്കിൻ്റെ ട്രെയിലര് റിലീസ് ചെയ്തു.
ഐശ്വര്യ രാജേഷ് നായികയായെത്തുന്ന ചിത്രം സംവിധാനം ചെയ്യുന്നത് ആര് കണ്ണനാണ്. ജയംകൊണ്ടേന്, കണ്ടേന് കാതലൈ, സേട്ടൈ തുടങ്ങിയ സിനിമകളിലൂടെ ശ്രദ്ധേയനായ സംവിധായകനാണ് കണ്ണന്. ചിത്രത്തിന്റെ തെലുങ്ക് റീമേയ്ക്കിനുള്ള അവകാശം വാങ്ങിയിരിക്കുന്നതും കണ്ണനാണ്.
ബാലസുബ്രഹ്മണ്യമാണ് ചിത്രത്തിന്റെ ഛായാഗ്രഹണം. സവരി മുത്തുവും ജീവിതയും ചേര്ന്നാണ് സംഭാഷണം ഒരുക്കിയിരിക്കുന്നത്. ലിയോ ജോണ്പോള് എഡിറ്റിങ്ങും രാജ്കുമാര് കലാസംവിധാനവും നിര്വഹിച്ചിരിക്കുന്നു.
ഓടിടി റിലീസായി പ്രദര്ശനത്തിനെത്തിയ ദ് ഗ്രേറ്റ് ഇന്ത്യന് കിച്ചന് മലയാളത്തിൽ മികച്ച പ്രതികരണമാണ് നേടിയത്. നിരവധി അവാര്ഡുകളും ചിത്രം കരസ്ഥമാക്കിയിരുന്നു. പാരമ്പര്യ മഹിമകളായി അവതരിപ്പിക്കപ്പെട്ട കുടുംബ സങ്കല്പത്തെ മറിച്ചിടുന്നതായിരുന്നു ചിത്രം.
