നടിയെ ആക്രമിച്ച കേസില് തുടരന്വേഷണത്തിന് ഹൈക്കോടതി സമയം നീട്ടി നല്കി. പ്രോസിക്യൂഷൻ്റെ ആവശ്യം പരിഗണിച്ച് ഒന്നരമാസം കൂടിയാണ് നീട്ടി നല്കിയത്.
തുടരന്വേഷണ റിപ്പോര്ട്ട് വിചാരണക്കോടതിയില് സമര്പ്പിക്കാന് ഹൈക്കോടതി അനുവദിച്ച സമയം 30-ന് അവസാനിച്ചിരുന്നു. ഈ സാഹചര്യത്തിലാണ് പ്രോസിക്യൂഷൻ കൂടുതല് സമയം തേടിയത്. വിചാരണക്കോടതിയിലുള്ള, നടിയെ ആക്രമിച്ച ദൃശ്യങ്ങള് അടങ്ങിയ മെമ്മറികാര്ഡിന്റെ ഹാഷ് വാല്യുവില് മാറ്റമുണ്ടായതിനാല് ഫൊറന്സിക് പരിശോധന ആവശ്യമാണ്. നിലവില് ലഭിച്ച ഡിജിറ്റല് രേഖകളുടെ പരിശോധന പൂര്ത്തിയായില്ല. എന്നീ കാരണങ്ങൾ ചൂണ്ടിക്കാട്ടിയാണ് പ്രോസിക്യൂഷന് സമയം നീട്ടിച്ചോദിച്ചത്.
വിചാരണ വൈകിക്കാനാണ് കൂടുതല് സമയം ആവശ്യപ്പെടുന്നത്. ഏതു വിധേനയും കസ്റ്റഡിയില് വാങ്ങുകയും ഫോണില് നിന്ന് ദൃശ്യങ്ങള് കണ്ടെത്തിയെന്ന് വരുത്തിത്തീര്ക്കുകയുമാണ് പൊലീസിന്റെ ലക്ഷ്യം എന്നിങ്ങനെയാണ് ദിലീപിൻ്റെ പക്ഷത്തു നിന്നുള്ള വാദം
