നബിദിന ആഘോഷ പരിപാടിക്ക് മാല ബള്ബ് ഇടുന്നതിനിടെ ഷോക്കേറ്റ് യുവാവ് മരിച്ചു. പടാട്ടുകുന്ന് നരിമട കയ്യാലക്കല് മൊയ്തുണ്ണിയുടെ മകന് മുര്ഷിദ് (23) ആണ് മരിച്ചത്.
ശനിയാഴ്ച പുലര്ച്ചെ രണ്ട് മണിയോടെ ഒരുക്കങ്ങളുടെ ഭാഗമായി മാല ബള്ബ് തൂക്കുന്നതിനിടെയാണ് അപകടം. മരത്തിന് മുകളില് കയറി ബള്ബ് മാല ഫിറ്റ് ചെയ്യുകയായിരുന്നു മുർഷിദ്. എതിര്വശത്തേക്ക് എറിയുമ്പോള് കറൻ്റ് കമ്പിയില് തട്ടി മാല കുരുങ്ങി ഷോക്കേല്ക്കുകയായിരുന്നു.ഉടന് തന്നെ കൂറ്റനാടുള്ള സ്വകാര്യ ആശുപത്രിയില് എത്തിച്ചെങ്കിലും ജീവന് രക്ഷിക്കാന് കഴിഞ്ഞില്ല.
