ഫ്ലൈയിങ് ബൈക്കിന് 40 മിനിറ്റ് നേരം 99.78 കി.മീ വേഗത്തില് സഞ്ചരിക്കാനാവും. റോഡിലെ തിരക്ക് വിട്ട് ഏത് വഴിയും ഈ ബൈക്കിൽ പറന്നു പോകാം. സേനകൾ ഉപയോഗിക്കുന്ന വയർലെസ് സംവിധാനത്തിന് അപ്പുറം മൊബൈൽ ഫോൺ എന്നത് സങ്കല്പം മാത്രമായിരുന്ന കാലമുണ്ട്. അതു പോലെ പറക്കും ബൈക്കുകളും സങ്കൽപത്തിൽ നിന്നും യാഥാർത്ഥ്യമായി തുടങ്ങുകയാണ്.
യുഎസിലെ ഡിട്രോയിറ്റില് നടന്ന നോര്ത്ത് അമേരിക്കന് ഓട്ടോ ഷോയില് അവതരിപ്പിക്കപ്പെട്ട ബൈക്കാണ് ഇപ്പോൾ വാർത്തകളിൽ നിറയുന്നത്. ഡ്രോണുകളും മറ്റും നിര്മിക്കുന്ന ഡെല്അവേര് ആസ്ഥാനമായി പ്രവര്ത്തിക്കുന്ന എയര്വിന്സ് (Aerwins) എന്ന കമ്പനിയാണ് പുതിയ ഹോവര് ബൈക്ക് നിര്മിച്ചിരിക്കുന്നത്.
വിവിധ രാജ്യങ്ങളിൽ നിന്നായി 12 മോഡലുകൾ എങ്കിലും ഇങ്ങനെ അവതരിപ്പിക്കപ്പെട്ടിട്ടുണ്ട് എങ്കിലും ഈ പുതു ബൈക്ക് അവയുടെ പരിമിതികളെ എല്ലാം മറികടന്നാണ് പറക്കാൻ തുടങ്ങുന്നത്.
റ്റുറിസ്മോ എന്ന് വിളിക്കുന്ന ഈ ഹോവര് ബൈക്ക് നിര്മിക്കാന് ഇപ്പോള് ചെലവായത് 7,77,000 ഡോളറാണ്. ആറു കോടിയോളം രൂപ വിലവരും. അടുത്ത വര്ഷം ഇതിന്റെ ഒരു ചെറിയ പതിപ്പ് അവതരിപ്പിക്കുമെന്നും 2025 ല് ഇതിന്റെ ഒരു ഇലക്ട്രിക് മോഡല് അവതരിപ്പിക്കുമെന്നും അത് 50,000 ഡോളറിന് വില്ക്കുമെന്നും കമ്പനി പ്രഖ്യാപിച്ചു കഴിഞ്ഞു.
299 കിലോ ഭാരവും 12 അടി നീളവുമാണ് ഈ ബൈക്കിനുള്ളത്.
ഹോവര് ബൈക്കുകള് ജപ്പാനില് വില്പനയ്ക്കുണ്ട്. ഇതിനെ ഒരു വിമാനമായി കണക്കാക്കിയിട്ടില്ല. ബൈക്കായും പരിഗണിച്ചിട്ടില്ല. ഇത്തരം യന്ത്രങ്ങള്ക്ക് ജപ്പാനില് കര്ശന നിയന്ത്രണങ്ങളുള്ളതിനാല് റേസ് ട്രാക്കുകളില് മാത്രമേ ഇതില് പറക്കാന് അനുവാദം നല്കിയിട്ടുള്ളൂ.
മധ്യഭാഗത്തായി രണ്ട് വലിയ റോട്ടറുകളുള്ള ഈ ഹോവര് ബൈക്കിന് ശക്തി പകരുന്നതിന് ഗ്യാസില് പ്രവര്ത്തിക്കുന്ന 228 എച്ച്പി കവാസാകി മോട്ടോര് സൈക്കിള് എഞ്ചിനാണ് ഉപയോഗിച്ചിട്ടുള്ളത്. ഇത് കൂടാതെ നാല് ചെറിയ ഇലക്ട്രിക്ക് റോട്ടറുകളും ഇതിനുണ്ട്. ഹെലിക്കോപ്റ്ററുകളെ പോലെ രണ്ട് ലാന്ഡിങ് സ്കിഡിലാണ് ഇത് നിലത്ത് നില്ക്കുക.
ഫെഡറല് ഏവിയേഷന് അഡ്മിനിസ്ട്രേഷന്റെ അനുമതി ലഭിച്ചുകഴിഞ്ഞാല് 2026 ഓടുകൂടി ഇത് ഉപയോഗത്തില് കൊണ്ടുവരാനാവുമെന്നാണ് യുണൈറ്റഡ് എയര്ലൈന്സ് പ്രതീക്ഷിക്കുന്നത്.
വിനോദത്തിനും പോലീസുകാര്ക്ക് അവരുടെ കൃത്യ നിര്വഹണത്തിന് ഉപയോഗിക്കുന്നതിനുമെല്ലാം ഈ ഹോവര് ബൈക്ക് പ്രയോജനപ്പെടുത്താനാവുമെന്നാണ് അവതാകൻ കോമാറ്റ്സു പറയുന്നത്. ഭാവിയില് ഈ വാഹനം ജനങ്ങള് ദിവസവും ഉപയോഗിക്കുമെന്നാണ് പ്രതീക്ഷിക്കുന്നത് എന്നും അദ്ദേഹം പറഞ്ഞു.
