പി എസ് സി പ്രൊഫൈൽ ഇനി സ്വയം തിരുത്താം

ഇനി മുതൽ പി.എസ്.സി. പ്രൊഫൈൽ വിവരങ്ങൾ അതത് ഉദ്യോഗാർഥികൾക്ക് തന്നെ തിരുത്താം. ഇതിനുള്ള സൗകര്യം ജനുവരി 26-ന് നിലവിൽ വരുമെന്ന് പി എസ് സി അറിയിച്ചു. ഇതിനായി ഓഫീസുകൾ കയറി ഇറങ്ങേണ്ടി വരില്ല. പേര്, ജനനത്തീയതി, ഫോട്ടോ, ഒപ്പ് എന്നിവ ഒഴികെയുള്ള തിരുത്തലുകൾ ഉദ്യോഗാർഥികൾക്ക് സ്വയം നടത്താം.

സമുദായം സംബന്ധിച്ച തിരുത്തലുകളും യോഗ്യതയുടെ വിഷയത്തിലുള്ള തിരുത്തലുകളും വരുത്താം. ഇതിനായി ഉദ്യോഗാർഥി പി.എസ്.സി. ഓഫീസിൽ സന്ദർശിക്കേണ്ട ആവശ്യമില്ല. ഒറ്റത്തവണ വെരിഫിക്കേഷൻ സർട്ടിഫിക്കറ്റ് ലഭിച്ചവർക്കും ലഭിക്കാത്തവർക്കും തിരുത്തൽ നടത്താം. രേഖാപരിശോധനയുടെ സമയത്ത് തിരുത്തലുകളുടെ വിവരങ്ങൾ പി.എസ്.സി. ഉദ്യോഗസ്ഥരുടെ പരിശോധനയ്ക്ക് വിധേയമാക്കും.

പ്രൊഫൈൽ മാറ്റാനും സർട്ടിഫിക്കറ്റുകൾ അപ്‍ലോഡ് ചെയ്യാനുമായി സോഫ്റ്റ്‍വെയറിൽ മാറ്റം വരുത്താൻ നടപടി തുടങ്ങി. തിരുത്തുന്ന വിവരം സംബന്ധിച്ചു സത്യവാങ്മൂലം കൂടി അപ്‍ലോഡ് ചെയ്യേണ്ടി വരും. നിയമന നടപടികളുടെ ഭാഗമായി ഉദ്യോഗാർഥി ചുരുക്കപ്പട്ടികയിലോ മറ്റോ വരുമ്പോൾ രേഖകൾ പരിശോധിക്കും. വ്യാജവിവരം നൽകുന്നവരെ അയോഗ്യരാക്കും.

മാറ്റങ്ങൾ അറിഞ്ഞിരിക്കാം

നിലവിൽ ഒറ്റത്തവണ രജിസ്ട്രേഷൻ പ്രൊഫൈൽ തിരുത്തുന്നതിന് ഉദ്യോഗാർഥിക്ക് നേരിട്ട് അവസരമില്ല. പി.എസ്.സി വെബ്സൈറ്റിൽനിന്ന് ‘തിരുത്തൽ ഫോറം’ ഡൗൺലോഡ് ചെയ്ത്, പൂരിപ്പിച്ച ശേഷം ജില്ല പി.എസ്.സി ഓഫിസിനെ സമീപിച്ച് രേഖ പരിശോധനക്കു ശേഷമേ തിരുത്തൽ അനുവദിക്കാറുള്ളൂ.

പ്രതിദിനം നൂറുകണക്കിന് ഉദ്യോഗാർഥികളാണ് തിരുത്തൽ അപേക്ഷ സമർപ്പിക്കാറുള്ളത്. ദൈനംദിന ജോലികൾക്ക് പുറമെ, ഇത്തരം അപേക്ഷകൾ വൻ ജോലിഭാരം ഉദ്യോഗസ്ഥരിലുണ്ടാക്കുന്നെന്ന് കണ്ടത്തിയതോടെയാണ് പുതിയ പരിഷ്കാരം. പ്രൊഫൈലിലെ ജാതി, മതം, ലിഗം, തൊഴിൽ പരിചയ സമ്പന്നത, മാതാപിതാക്കളുടെ പേര്, വിലാസം, ഫോൺ നമ്പർ, ആധാർ നമ്പർ എന്നിവ ഉദ്യോഗാർഥികൾക്കുതന്നെ തിരുത്താമെന്നാണ് പ്രാഥമിക തീരുമാനം.

എന്നാൽ, ഉദ്യോഗാർഥിയുടെ പേര്, ഫോട്ടോ, ഒപ്പ്, ജനനത്തീയതി, തിരിച്ചറിയൽ മാർക്കുകൾ തുടങ്ങിയവ ഉദ്യോഗസ്ഥ പരിശോധനക്കു ശേഷമേ തിരുത്താൻ കഴിയൂ. പ്രൊഫൈലിലെ വിദ്യാഭ്യാസ യോഗ്യത നിബന്ധനകൾക്ക് വിധേയമായി തിരുത്താം. ഡിഗ്രി യോഗ്യതയുള്ള ഉദ്യോഗാർഥിക്ക് പി.എസ്.സി ഓഫിസിൽ ഹാജാരാകാതെ പി.ജിയോ അതിനു മുകളിലുള്ള വിദ്യാഭ്യാസ യോഗ്യതയോ രേഖപ്പെടുത്താം.

എന്നാൽ, ഡിഗ്രി യോഗ്യത രേഖപ്പെടുത്തിയ ഉദ്യോഗാർഥിക്ക് അതിനു താഴെയോഗ്യതയുള്ള പ്ലസ് ടു, എസ്.എസ്.എൽ.സി തുടങ്ങിയവ സ്വയംരേഖപ്പെടുത്താൻ കഴിയില്ല. ഇതിന് പി.എസ്.സി ഓഫിസിൽ ഹാജരാകേണ്ടിവരും.ഡിഗ്രി എന്ന് രേഖപ്പെടുത്തിയിട്ടുണ്ടെങ്കിൽ അത് ഏതു വിഷയത്തിലാണെന്ന് (ഉദാ. ബി.എ ഹിസ്റ്ററി ആണെങ്കിൽ ബി.എ മലയാളമാക്കി തിരുത്താം) പ്രൊഫൈലിൽ വ്യക്തമാക്കാം.

റാങ്ക് ലിസ്റ്റിൽ ഉൾപ്പെടുന്ന ഘട്ടത്തിൽ മാത്രമേ ഉദ്യോഗാർഥികളുടെ പ്രൊഫൈൽ രേഖകൾ പി.എസ്.സി വിശദമായി പരിശോധിക്കൂ. വിവരങ്ങൾ വസ്തുനിഷ്ഠമാണെന്ന് കണ്ടാൽ മാത്രമേ ഉദ്യോഗാർഥിയ തുടർതെരഞ്ഞെടുപ്പ് നടപടികളിൽ ഉൾപ്പെടുത്തൂ. അല്ലാത്തപക്ഷം പരീക്ഷ വിലക്ക് ഉൾപ്പെടെ നടപടികൾ പി.എസ്.സി സ്വീകരിക്കും.

ഓൺലൈൻ സേവനങ്ങളും പ്രൊഫൈൽ വഴി

പി.​എ​സ്.​സി​യി​ൽ ര​ജി​സ്റ്റ​ർ ചെ​യ്ത ഉ​ദ്യോ​ഗാ​ർ​ഥി​ക​ൾ​ക്ക് വി​വി​ധ സേ​വ​ന​ങ്ങ​ൾ​ക്കു​ള്ള അ​പേ​ക്ഷ​ക​ൾ സ​മ​ർ​പ്പി​ക്കാ​നു​ള്ള സം​വി​ധാ​നം ഒ​റ്റ​ത്ത​വ​ണ ര​ജി​സ്​​ട്രേ​ഷ​ൻ പ്രൊ​ഫൈ​ലി​ൽ ല​ഭ്യ​മാ​ക്കാ​ൻ ക​മീ​ഷ​ൻ തീ​രു​മാ​നി​ച്ചു. 2023 മാ​ർ​ച്ച് ഒ​ന്നു​മു​ത​ലാ​ണ് ഈ ​സേ​വ​നം ല​ഭ്യ​മാ​കു​ക.

ഉ​ത്ത​ര​ക്ക​ട​ലാ​സു​ക​ൾ പു​നഃ​പ​രി​ശോ​ധി​ക്കാ​നു​ള്ള അ​പേ​ക്ഷ​ക​ൾ, ഉ​ത്ത​ര​ക്ക​ട​ലാ​സു​ക​ളു​ടെ പ​ക​ർ​പ്പു​ക​ൾ ല​ഭ്യ​മാ​ക്കാ​നു​ള്ള അ​പേ​ക്ഷ​ക​ൾ, പ​രീ​ക്ഷ/​അ​ഭി​മു​ഖം/​പ്ര​മാ​ണ​പ​രി​ശോ​ധ​ന/​നി​യ​മ​ന​പ​രി​ശോ​ധ​ന എ​ന്നി​വ​യു​ടെ തീ​യ​തി​യി​ൽ മാ​റ്റം ആ​വ​ശ്യ​പ്പെ​ട്ടു​ള്ള അ​പേ​ക്ഷ​ക​ൾ, തു​ള​സി സോ​ഫ്​​റ്റ്​​വെ​യ​റി​ൽ പു​തി​യ വി​ദ്യാ​ഭ്യാ​സ യോ​ഗ്യ​ത കൂ​ട്ടി​ച്ചേ​ർ​ക്കാ​നു​ള്ള അ​പേ​ക്ഷ​ക​ൾ, സ്​​ക്രൈ​ബി​ന് വേ​ണ്ടി​യു​ള്ള അ​പേ​ക്ഷ, നി​യ​മ​ന പ​രി​ശോ​ധ​ന​ക്ക്​ ഫീ​സ്​ അ​ട​ക്കാ​നു​ള്ള സേ​വ​നം, ഉ​ത്ത​ര​സൂ​ചി​ക​യു​മാ​യി ബ​ന്ധ​പ്പെ​ട്ട പ​രാ​തി സ​മ​ർ​പ്പി​ക്കാ​നു​ള്ള അ​പേ​ക്ഷ​ക​ൾ, മ​റ്റ് പൊ​തു​പ​രാ​തി​ക​ൾ എ​ന്നി​വ പു​തി​യ സോ​ഫ്​​റ്റ്​​വെ​യ​ർ മൊ​ഡ്യൂ​ൾ വ​ഴി സ​മ​ർ​പ്പി​ക്കാ​ൻ ക​ഴി​യും.

നി​ല​വി​ൽ ഇ-​മെ​യി​ൽ/​ത​പാ​ൽ വ​ഴി​യാ​ണ് ഇ​ത്ത​രം അ​പേ​ക്ഷ​ക​ൾ സ്വീ​ക​രി​ക്കു​ന്ന​ത്. പ്രൊ​ഫൈ​ൽ വ​ഴി​യു​ള്ള പു​തി​യ മൊ​ഡ്യൂ​ൾ വ​രു​ന്ന​തോ​ടെ അ​പേ​ക്ഷ​ക​ളി​ൽ വേ​ഗ​ത്തി​ൽ തീ​രു​മാ​ന​മെ​ടു​ക്കാ​ൻ ക​ഴി​യും. ഓ​രോ ഘ​ട്ട​ത്തി​ലു​മു​ള്ള ന​ട​പ​ടി സം​ബ​ന്ധി​ച്ച വി​വ​രം ഉ​ദ്യോ​ഗാ​ർ​ഥി​ക​ൾ​ക്ക് അ​പ്പ​പ്പോ​ൾ​ത്ത​ന്നെ അ​റി​യാ​നും സാ​ധി​ക്കും.

വി​വി​ധ ത​സ്​​തി​ക​ക​ളി​ലേ​ക്ക് അ​ഭി​മു​ഖം, ചു​രു​ക്ക​പ്പ​ട്ടി​ക, ഓ​ൺ​ലൈ​ൻ പ​രീ​ക്ഷ, അർഹത പട്ടിക അടക്കം വിശദ വിവരങ്ങൾ www.keralapsc.gov.inൽ ലഭിക്കും.