മലയാള സിനിമാ ലോകത്തേക്ക് ആറ് വര്ഷത്തിന് ശേഷം തിരിച്ചെത്തുന്ന ഭാവനയ്ക്ക് ആശംസകളുമായി പ്രമുഖ താരങ്ങളും രാഷ്ട്രീയ സാമൂഹിക രംഗത്തെ പ്രമുഖരും. സോഷ്യൽ മീഡിയ ഭാവനയുടെ വരവ് ആഘോഷിക്കയാണ്. ഇന്ന് ഏറ്റവും അധികം വാട്സ്ആപ് സ്റ്റാറ്റസുകളിൽ നിറഞ്ഞതും ഭാവനയാണ്. ശക്തമായ പോരാട്ടത്തിൻ്റെയും കരുത്തിൻ്റെയും പ്രതീകമായി കൂടിയാണ് ഭാവന എത്തുന്നത്.
വെള്ളിയാഴ്ച വെള്ളിത്തിരയിൽ
ൻ്റിക്കാക്കാക്കൊരു പ്രേമണ്ടാർന്ന് എന്ന ചിത്രത്തിലൂടെയാണ് ആറു വർഷത്തിന് ശേഷം ഭാവന വീണ്ടും മലയാളത്തിൻ്റെ വെള്ളിത്തിരയിലേക്ക് എത്തുന്നത്. ഭാവനയും ഷറഫുദ്ദീനും കേന്ദ്ര കഥാപാത്രങ്ങളാകുന്ന ചിത്രം ഫെബ്രുവരി 24 ന് തിയറ്ററിലെത്തുകയാണ്. നവാഗതനായ ആദിൽ മൈമൂനത്ത് സംവിധാനം ചെയ്യുന്ന ചിത്രം ഭാവനയുടെ തിരിച്ചുവരവ്കൊണ്ടു തന്നെ വളറെ ശ്രദ്ധ നേടിയിരുന്നു.
മാധവൻ, കുഞ്ചാക്കോ ബോബൻ, പ്രിയമണി, ജാക്കി ഷെറോഫ്, ജിതേഷ് പിള്ള, പാർവതി തിരുവോത്ത്, ടൊവിനോ തോമസ്, മഞ്ജു വാര്യർ തുടങ്ങിയവരുടെ ആശംസകൾ കോർത്തിണക്കിയുള്ള വീഡിയോയാണ് ഭാവൻ പങ്കുവെച്ചത്. തന്നെ പിന്തുണച്ച എല്ലാവർക്കും നന്ദിയും പങ്കുവെയ്ക്കുന്നുണ്ട് താരം. ‘വളരെയധികം വികാരങ്ങൾ, അനിയന്ത്രിതമായ പരിഭ്രാന്തി, ഹൃദയമിടിപ്പ്, എന്നാൽ ഏറ്റവും പ്രധാനമായി ഈ യാത്രയിൽ എന്നെ പിന്തുണച്ച, ഞാൻ മലയാള സിനിമയിൽ പ്രവർത്തിക്കണമെന്ന് നിർബന്ധിച്ച എല്ലാവർക്കും നന്ദി! നാളെ മുതൽ മറ്റൊരു ഇന്നിംഗ്സ് ആരംഭിക്കുകയാണ്. പ്രിയപ്പെട്ട എല്ലാവരുടെയും സ്നേഹത്തിന് വളരെ നന്ദി’ എന്നായിരുന്നു ഭാവന കുറിച്ചിട്ടത്.
രാഷ്ട്രീയ രംഗത്തെ പ്രമുഖരും
ലയാളത്തില് വീണ്ടും സജീവമാകുന്ന ഭാവനയെ അഭിനന്ദിച്ച് സിനിമാ താരങ്ങള്ക്ക് പുറമേ രാഷ്ട്രീയ സാംസ്കാരിക രംഗത്തെ പ്രമുഖരും രംഗത്തെത്തി.
മലായാള സിനിമയിലേക്ക് തിരിച്ചെത്തുന്ന ഭാവനയ്ക്ക് അഭിനന്ദനങ്ങളുമായി മുന് മന്ത്രിയും എംഎല്എയുമായ കെ കെ ശൈലജ. നീണ്ട അഞ്ചു വര്ഷത്തിന് ശേഷം എല്ലാ വിഷമഘട്ടങ്ങളെയും അതിജീവിച്ച് ഭാവന തന്റെ തൊഴിലിടത്തിലേക്ക് തിരിച്ചു വരുന്നു എന്നത് ഏറെ സന്തോഷകരമാണെന്ന് ശൈലജ തന്റെ ഫേസ്ബുക്കില് കുറിച്ചു.’ന്റിക്കാക്കാക്കൊരു പ്രേമണ്ടാര്ന്ന്’ എന്ന ചിത്രത്തിലൂടെ വീണ്ടും മലയാള ചലച്ചിത്ര മേഖലയില് സജീവമാവുന്ന ഭാവനയ്ക്ക് അഭിനന്ദനങ്ങള്. പുതിയ ചിത്രത്തിന് എല്ലാവിധ ആശംസകള് നേരുന്നുവെന്നും കെ കെ ശൈലജ പറഞ്ഞു.
ഓരോ പെണ്കുട്ടിക്കും കരുത്തും ആത്മവിശ്വാസവും നല്കുന്ന ഭാവനയെന്ന് ചിത്രം പങ്കുവെച്ച് കൊണ്ട് ആരോഗ്യമന്ത്രി വീണാ ജോര്ജ് കുറിച്ചു.
മുന്നോട്ടുള്ള യാത്രയ്ക്ക് ആശംസകളും മന്ത്രി നേര്ന്നു. ഭാവനയ്ക്ക് ആശംസകളുമായി എ എ റഹീം എംപിയും ഫേസ്ബുക്കില് കുറിച്ചു.’അതിജീവനമാണ് പ്രധാനം. പ്രതിസന്ധികളെ അതിജീവിച്ചവര്, ചരിത്രത്തില് തലയെടുപ്പോടെ നില്ക്കും. ഫീനിക്സ് പക്ഷികളുടേതാണ് ചരിത്രം. മലയാള സിനിമയിലേയ്ക്ക് അഭിമാനത്തോടെ മടങ്ങിവരുന്ന പ്രിയപ്പെട്ട ഭാവനയ്ക്ക് ഭാവുകങ്ങള്’, എ എ റഹീം പറഞ്ഞു.
മലയാളം മറക്കാത്ത താരം
കമല് സംവിധാനം ചെയ്ത നമ്മള് എന്ന സിനിമയിലൂടെയാണ് ഭാവന മലയാള സിനിമയില് തുടക്കം കുറിച്ചത്. തിളക്കം, ക്രോണിക് ബാച്ചിലര്, സിഐഡി മൂസ, സ്വപ്നക്കൂട്, ഇവര്, ചതിക്കാത്ത ചന്തു, റണ്വേ, ദൈവ നാമത്തില്, നരന്, ഉദയനാണ് താരം, ചിന്താമണി കൊലക്കേസ്, ചോട്ടാ മുംബൈ, സാഗര് എലിയാസ് ജാക്കി, ഇവിടെ, ഹണി ബീ, ആദം ജോണ് എന്നിങ്ങനെ തൊണ്ണൂറില്പരം സിനിമകളില് ഇതിനകം ഭാവന അഭിനയിച്ചു. 2017ലാണ് അവസാനമായി ഭാവന മലയാളത്തില് അഭിനയിച്ചത്. ഇതിനിടെ കന്നട, തമിഴ് , തെലുഗു ചിത്രങ്ങളിലും ഭാവന പ്രേക്ഷകരുടെ പ്രിയതാരമായി.
