ഉത്തർപ്രദേശ് മുഖ്യമന്ത്രി യോഗി ആദിത്യനാഥിന്റെ ഫോട്ടോ സോഷ്യൽ മീഡിയയിൽ പോസ്റ്റ് ചെയ്ത വിദ്യാർത്ഥി അറസ്റ്റിൽ. മുർഹിയ സ്വദേശിയും പന്ത്രണ്ടാം ക്ലാസ് വിദ്യാർത്ഥിയുമായ ആശിഷ് യാദവിനെയാണ്(18) തൽഗ്രാം പൊലീസ് അറസ്റ്റ് ചെയ്തത്.
ഇന്റർ വിദ്യാർത്ഥിയായ ആശിഷ് യോഗി ആദിത്യനാഥിന്റെ ഒരു ചിത്രം സോഷ്യൽ മീഡിയയിൽ പോസ്റ്റ് ചെയ്തിരുന്നു. ഇത് ആക്ഷേപകരമായ ഫോട്ടോയാണെന്ന് ശ്രദ്ധയിൽപ്പെട്ട പ്രവർത്തകർ സംസ്ഥാന ഡിജിപിക്ക് പരാതി നൽകി. തുടർന്നാണ് സർക്കാർ നടപടി സ്വീകരിച്ചത്. ജില്ലാ മജിസ്ട്രേറ്റ്, പൊലീസ് സൂപ്രണ്ട് എന്നിവർ തൽഗ്രാം പൊലീസ് സ്റ്റേഷനിലെത്തിയാണ് വിദ്യാർത്ഥിയെ ചോദ്യം ചെയ്തത്.
