രണ്ടു കിലോയിലേറെ കഞ്ചാവുമായി സി.പി.ഐ. നേതാവ് പിടിയില്. സി.പി.ഐ. കൊടുമണ് ലോക്കല് അസിസ്റ്റന്റ് സെക്രട്ടറിയും എ.ഐ.വൈ.എഫ് ജില്ലാ കമ്മിറ്റി അംഗവുമായ ജിതിന് മോഹനാണ് അറസ്റ്റിലായത്.
അടൂരില് എക്സൈസ് നിരീക്ഷണ സംഘമാണ് അറസ്റ്റ് ചെയ്തത്. 2.250 കിലോ കഞ്ചാവും പിടിച്ചെടുത്തു.
ജിതിനും കൊടുമണ് സ്വദേശിയായ അനന്തുവും വില്പ്പന നടത്താനുള്ള കഞ്ചാവുമായി കാറില് സഞ്ചരിക്കുകയായിരുന്നു എന്നാണ് എക്സൈസ് വിശദീകരണം. എക്സൈസിനെ കണ്ടതോടെ അനന്തു ഓടിരക്ഷപ്പെട്ടു. ഇയാള്ക്കെതിരേയും കേസെടുത്തിട്ടുണ്ട്. സഞ്ചരിച്ച കാറും കസ്റ്റഡിയിലെടുത്തു.
പിടിയിലായ ജിതിനും രക്ഷപ്പെട്ട അനന്തുവും കൊടുമണ്ണിലും പരിസരപ്രദേശങ്ങളിലും ലഹരിവസ്തുക്കള് വില്ക്കുന്നതായി രഹസ്യവിവരം ലഭിച്ചിരുന്നതിനാൽ നിരീക്ഷണത്തിലായിരുന്നു എന്ന് എക്സൈസ് വകുപ്പ് വ്യക്തമാക്കി.
അടൂര് എക്സൈസ് റേഞ്ച് ഇന്സ്പെക്ടര് ബിജു എന്.ബേബി, അസി. ഇന്സ്പെക്ടര് അജീബ് ലബ്ബ, പ്രിവന്റീവ് ഓഫീസര്മാരായ വി. ഹരീഷ്കുമാര്, ജി.വേണുക്കുട്ടന്, ശ്രീരാജ്, റഫീഖ്, രതീഷ്, രാഹുല്, ഗിരീഷ്, ശൈലേന്ദ്രകുമാര്, വനിതാ സിവില് എക്സൈസ് ഓഫീസര്മാരായ ഗീതാലക്ഷ്മി, വിനൂജാദേവ് എന്നിവരടങ്ങിയ സംഘമാണ് പ്രതിയെ പിടികൂടിയത്.
