സംസ്ഥാന സർക്കാരിൻ്റെ ഓപ്പറേഷന് ശുഭയാത്രയുടെ ഭാഗമായി അനധികൃത റിക്രൂട്ട്മെന്റുകള്, വിസ തട്ടിപ്പുകള് എന്നിവ തടയാൻ 24 മണിക്കൂറും പ്രവർത്തിക്കുന്ന ഹെൽപ്പ് ലൈൻ നമ്പരും ഇ- മെയിൽ ഐഡികളും നിലവിൽവന്നു. കേരളാ പോലീസും സംസ്ഥാന സര്ക്കാറിന്റെ പ്രവാസികാര്യവകുപ്പായ നോര്ക്കയും വിദേശകാര്യ മന്ത്രാലയത്തിലെ പ്രൊട്ടക്ടര് ഓഫ് എമിഗ്രന്സും സംയുക്തമായാണ് ഈ പദ്ധതി നടപ്പിലാക്കുന്നത്.
വിദേശരാജ്യത്തേയ്ക്കുളള അനധികൃത റിക്രൂട്ട്മെന്റുകള്, വിസ തട്ടിപ്പുകള് എന്നിവ സംബന്ധിച്ച് പ്രവാസിമലയാളികൾക്ക് ഇനി മുതൽ പരാതികള് നേരിട്ടറിയിക്കാം. പൊലീസിനു കീഴിലാണ് ഇത് പ്രവർത്തിക്കുക
വെബ് വിലാസം https://keralapolice.gov.in/page/nri-cell
എന്നീ ഇ- മെയിലുകള് വഴിയും, 0471-2721547 എന്ന ഹെല്പ്പ്ലൈന് നമ്പറിലും പ്രവാസികള്ക്ക് പരാതികള് നല്കാം.
വിസ തട്ടിപ്പ് വിദേശത്തേയ്ക്കുളള തൊഴില് തട്ടിപ്പുകള് എന്നിവ ശ്രദ്ധയില്പ്പെട്ടതിനെ തുടര്ന്ന് മുഖ്യമന്തി നോര്ക്ക റൂട്ട്സ്, വിദേശകാര്യ മന്ത്രാലയത്തിലെ പ്രൊട്ടക്ടര് ഓഫ് എമിഗ്രന്സ്, കേരളാ പോലീസ് എന്നിവരുടെ സംയുക്ത യോഗം നേരത്തെ ചേർന്നിരുന്നു. ഇതേത്തുടര്ന്നാണ് ‘ഓപ്പറേഷന് ശുഭയാത്ര’ നടപ്പിലാക്കാന് സംസ്ഥാന സര്ക്കാര് തീരുമാനിച്ചത്.
സോഷ്യൽ മീഡിയ റിക്രൂട്ട്മെൻ്റ് തട്ടിപ്പുകളും നിരീക്ഷണത്തിൽ
സോഷ്യല് മീഡിയ വഴിയുള്ള റിക്രൂട്ട്മെന്റ് തട്ടിപ്പുകള് തടയുന്നതിന് പോലീസിന്റെ സൈബര് വിഭാഗത്തിന്റെ സേവനവും പ്രയോജനപ്പെടുത്തിവരുന്നു. ക്രൈംബ്രാഞ്ച് ഐ.ജി നോഡല് ഓഫീസറായി സ്റ്റേറ്റ് സെല്ലും പ്രവര്ത്തിച്ചു വരുന്നുണ്ട്. നോഡല് ഓഫീസറുടെ മേല്നോട്ടത്തില് എല്ലാ പോലീസ് ജില്ലകളിലും ആന്റി ഹ്യൂമന് ട്രാഫിക്കിംഗ് യൂണിറ്റുകളും രൂപീകരിച്ചിട്ടുണ്ടെന്ന് നോർക്ക റൂട്ട്സ് അറിയിച്ചു.
