ടെന്നീസ് ഇതിഹാസം റോജര് ഫെഡറര് വിരമിക്കുന്നു. ടെന്നീസിലെ മികച്ച താരങ്ങളിലൊരാളായ ഫെഡറര് വ്യാഴാഴ്ചയാണ് മത്സര ടെന്നിസില്നിന്ന് വിരമിക്കുന്നതായി പ്രഖ്യാപിച്ചത്. സ്വിസ് താരം കരിയറില് 20 ഗ്രാന്ഡ് സ്ലാം കിരീടങ്ങള് നേടിയിട്ടുണ്ട്.
അടുത്തയാഴ്ച ലണ്ടനില് നടക്കുന്ന ലേവര് കപ്പ് താരത്തിന്റെ അവസാന എ.ടി.പി ടൂര്ണമെന്റാകും. ആരാധകരോടും എതിരാളികളോടും നന്ദി പറഞ്ഞ താരം, 41ാം വയസ്സില് വിരമിക്കാനുള്ള സമയമായെന്നും വ്യക്തമാക്കി.
21 ഗ്രാന്ഡ്സ്ലാം കിരീടങ്ങളില് എട്ടും വിംബിള്ഡണില് ആയിരുന്നു. ഓസ്ട്രേലിയന് ഓപ്പണില് ആറ് തവണ കിരീടം ചൂടി. അഞ്ച് തവണ യുഎസ് ഓപ്പണ് നേടിയപ്പോള് ഒരു തവണ ഫ്രഞ്ച് ഓപ്പണിലും ഒന്നാമനായി. 2003 വിംബിള്ഡണിലായിരുന്നു ആദ്യ കിരീടനേട്ടം.
പിന്നീട് തുടര്ച്ചയായി നാല് വര്ഷം കിരീടം നേടി. 2017ലാണ് അവസാനം ജേതാവായത്. 2018ല് ഓസ്ട്രേലിയന് ഓപ്പണ് നേടിയതാണ് അവസാനത്തെ ഗ്രാന്സ്ലാം കിരീടം.
