സംസ്ഥാനത്ത് അഞ്ച് ദിവസം കൂടി മഴ തുടരും. മഴ കനക്കുന്ന സാഹചര്യത്തില് വിവിധ ജില്ലകളിലായി 24 ദുരിതാശ്വാസ ക്യാമ്പുകള് പ്രവര്ത്തനം ആരംഭിച്ചു. മഴക്കെടുതിയില് 73 വീടുകളാണ് പൂര്ണമായി നശിച്ചത്. 1186 വീടുകള് ഭാഗികമായും നശിച്ചതായി റവന്യുമന്ത്രി കെ രാജന് പറഞ്ഞു. ഉരുള്പൊട്ടല് സാധ്യതയുള്ള മേഖലയില് താമസിക്കുന്നവര് അതീവ ജാഗ്രത പാലിക്കണമെന്ന് സര്ക്കാര് അറിയിച്ചിട്ടുണ്ട്
കനത്ത മഴ തുടരുന്നതിനാല് മുല്ലപ്പെരിയാര് അണക്കെട്ടിലും ജലനിരപ്പ് ഉയരുകയാണ്. മുല്ലപ്പെരിയാര് അണക്കെട്ടിന്റെ ജവനിരപ്പ് 135.40 അടി ഉയരത്തിലെത്തി. തമിഴ്നാട് ഇടുക്കി ജില്ലാ ഭരണകൂടത്തിന് ആദ്യ മുന്നറിയിപ്പ് നല്കിയിട്ടുണ്ട്. ജലനിരപ്പ് 136 അടി അടുത്തതോടെയാണ് ആദ്യ മുന്നറിയിപ്പ് നല്കിയിരിക്കുന്നത്.
മലമ്പുഴ ജലനിരപ്പ് ക്രമീകരിക്കുന്നതിന്റെ ഭാഗമായി മലമ്പുഴ ഡാമിന്റെ ഷട്ടറുകള് തുറന്നു. ഡാമിന്റെ ഷട്ടറുകള് 30 സെന്റിമീറ്റര് വീതം ഉയര്ത്തി. മുക്കൈപ്പുഴ, കല്പ്പാത്തിപ്പുഴ, ഭാരതപ്പുഴ എന്നിവയുടെ തീരത്തുള്ളവര് ജാഗ്രത പാലിക്കണമെന്ന് അധികൃതര് മുന്നറിയിപ്പ് നല്കി.
