വാട്ട്സ് ആപ്പിൽ സ്റ്റേറ്റസ് അപ്ഡേറ്റുകൾ കൂടുതൽ സുരക്ഷിതമാക്കാനും കസ്റ്റമൈസ് ചെയ്യാനും പുതുമകൾ അവതരിപ്പിച്ചു. വോയ്സ് മെസേജ്, സ്റ്റേറ്റസ് റിയാക്ഷൻ, സ്റ്റേറ്റസ് പ്രൊഫൈൽ റിംഗ് , ലിങ്ക് പ്രിവ്യു എന്നീ പുത്തൻ ഫീച്ചറുകളാണ് ലഭിക്കുക
ഇൻസ്റ്റഗ്രാം സ്റ്റോറി പ്രവർത്തിക്കുന്ന അതേ മാതൃകയിലാകും വാട്ട്സ് ആപ്പ് സ്റ്റേറ്റസുകളും പ്രവർത്തിക്കുക. വാട്ട്സ് ആപ്പ് കോളും മെസേജും പോലെ സ്റ്റേറ്റസുകളും എൻഡ് -ടു-എൻഡ് എൻക്രിപ്റ്റഡായിരിക്കും.
വാട്ട്സ് ആപ്പിൽ ഇനി മുതൽ ചിത്രങ്ങളും വിഡിയോയും എന്ന പോലെ വോയ്സ് സ്റ്റേറ്റസും ഇടാൻ സാധിക്കും. ഈ സ്റ്റേറ്റസുകൾക്ക് പല ഇമോജികൾ കൊണ്ട് ഇഷ്ടാനുസരണം മറുപടിയും നൽകാം. കോൺടാക്റ്റ് ലിസ്റ്റിലെ ഒരു വ്യക്തി സ്റ്റാറ്റസ് ഇട്ടിട്ടുണ്ടെന്ന് മനസിലാക്കാൻ പ്രൊഫൈലിന് ചുറ്റും പച്ച നിറത്തിലുള്ള റിംഗും കാണാൻ കഴിയും.
സ്റ്റേറ്റസ് ലിങ്കുകൾ ആദ്യം ടെക്സ്റ്റ് മാത്രമായാണ് വന്നിരുന്നത്. എന്നാൽ ഇപ്പോൾ സ്റ്റേറ്റസിലെ ലിങ്കുകളിലെ ചിത്രമടങ്ങിയ പ്രിവ്യൂവും കാണാൻ സാധിക്കും. ഇതോടൊപ്പം പ്രൈവറ്റ് ഓഡിയൻസിനെ സെറ്റ് ചെയ്യാനും കഴിയും.
