വാട്സാപ്പ് കമ്മ്യൂണിറ്റീസ് ഫീച്ചര് ആന്ഡ്രോയിഡിലും ഐഒഎസിലും വെബ് പതിപ്പിലും റെഡി. ഗ്രൂപ്പുകളെ തമ്മില് ബന്ധിപ്പിക്കുന്ന ഫീച്ചര് ആണിത്. സമാന സ്വഭാവമുള്ള ഗ്രൂപ്പുകളെല്ലാം പരസ്പരം ബന്ധിപ്പിക്കാം.
കമ്മ്യൂണിറ്റീസും ഗ്രൂപ്പുകളും ഒന്നല്ല
ഗ്രൂപ്പുകളുമായി സമാനതകളുണ്ടെങ്കിലും കമ്മ്യൂണിറ്റീസും ഗ്രൂപ്പുകളും ഒന്നല്ല. വാട്സാപ്പ് ഗ്രൂപ്പുകളില് ആളുകള്ക്കെല്ലാം ഒരു ചാറ്റില് ഒന്നിക്കാന് സാധിക്കും. അഡ്മിൻ ഓൺലി അല്ലെങ്കിൽ പരസ്പരം മിണ്ടാം പറയാം. വാട്സാപ്പ് കമ്മ്യൂണിറ്റീസ് ആവട്ടെ സമാനമായ ഗ്രൂപ്പുകളെ ഒരു കുടക്കീഴില് കൊണ്ടുവരാവുന്ന സൌകര്യമാണ്. സ്കൂളുകള്, ഓഫീസുകള്, കാമ്പസ് എന്നിങ്ങനെ സമാന താല്പര്യമുള്ള ഗ്രൂപ്പുകളെ ഒന്നിച്ച് കൈകാര്യം ചെയ്യാന് ഇതുവഴി സാധിക്കും.
ആന്ഡ്രോയിഡിലും ഐഒഎസിലും ഫോണിൽ Chats ന് തൊട്ട് മുൻപായി കമ്മ്യൂണിറ്റീസ് ലോഗോ തലകൾ കാണാം. വാട്സാപ്പ് വെബ്ബില് ഏറ്റവും മുകളിലായി കമ്മ്യൂണിറ്റീസ് ലോഗോ കാണാം.
പരസ്പരം ബന്ധിപ്പിക്കുന്നത് എങ്ങിനെ
- വാട്സാപ്പില് കമ്മ്യൂണിറ്റീസ് ടാബ് തുറന്ന്ന്യൂ കമ്മ്യൂണിറ്റീസ് തിരഞ്ഞെടുക്കുക
- കമ്മ്യൂണിറ്റിയുടെ പേരും വിവരണവും പ്രൊഫൈല് ചിത്രവും നല്കുക. ഗ്രൂപ്പ് നിർമ്മിക്കുന്നത് പോലെ തന്നെയാണിത്.
- തുടർന്ന് പച്ച നിറത്തിലുള്ള ‘ആരോ’ ഐക്കണ് ക്ലിക്ക് ചെയ്യുക
- ഈ കമ്മ്യൂണിറ്റിയ്ക്ക് കീഴില് നിലവിലുള്ള ഗ്രൂപ്പുകൾ ചേർക്കാനും പുതിയ ഗ്രൂപ്പുകള് ക്രിയേറ്റ് ചെയ്യാനും കഴിയും.
- ഗ്രൂപ്പുകള് ചേര്ത്തതിന് ശേഷം പച്ച നിറത്തിലുള്ള ചെക്ക് മാര്ക്ക് ബട്ടന് ക്ലിക്ക് ചെയ്ത് ഫൈനലൈസ് ചെയ്യാം.
എത്ര പേർ എത്ര ഗ്രൂപ്പുകൾ
50 ഗ്രൂപ്പുകള് കമ്മ്യൂണിറ്റിയുടെ ഭാഗമാക്കാം. 5000 പേരടങ്ങുന്ന അനൗണ്സ്മെന്റ് ഗ്രൂപ്പ് നിര്മിക്കാം. കമ്മ്യൂണിറ്റി അംഗങ്ങള്ക്ക് ഇഷ്ടമുള്ള മറ്റ് ഗ്രൂപ്പുകളില് അംഗമാകാനും സാധിക്കും. അഡ്മിന്മാര്ക്ക് മാത്രമേ കമ്മ്യൂണിറ്റീസ് അനൗണ്സ്മെന്റ് ഗ്രൂപ്പ് കൈകാര്യം ചെയ്യാനാവൂ. എല്ലാ ഗ്രൂപ്പുകളിലേയും അംഗങ്ങളിലേക്ക് സന്ദേശം എത്തിക്കാന് ഇതുവഴി സാധിക്കും. അനൗണ്സ്മെന്റ് ഗ്രൂപ്പില് അഡ്മിന്മാരുടെ നമ്പറുകള് അല്ലാതെ മറ്റ് അംഗങ്ങളുടെ ഒന്നും നമ്പര് പ്രദര്ശിപ്പിക്കില്ല. എന്നാൽ ഇത് എല്ലാ അംഗങ്ങൾക്കും കാണാം.
