വാട്സാപ്പ് സ്റ്റാറ്റസ് ഫീച്ചറില് വൈകാതെ പുതിയൊരു അപ്ഡേറ്റ് വരുന്നു. ഇനി സ്റ്റാറ്റസായി പാട്ടും പറച്ചിലും അനൌൺസ്മെൻ്റും എല്ലാം ആകാം. വാചിക സ്റ്റാററസിന് കൂടി ഇടം നൽകുകയാണ് വ്ട്സാപ്പ്.
അധികം വൈകാതെ വോയ്സ് നോട്ടുകള് വാട്സാപ്പ് സ്റ്റാറ്റസാക്കാന് ഉപയോക്താക്കൾക്ക് സാധിക്കുമെന്നാണ് റിപ്പോര്ട്ടുകള്. നിലവില് ചിത്രങ്ങളും വീഡിയോകളുമാണ് വാട്സാപ്പില് സ്റ്റാറ്റസാക്കാന് സാധിക്കുന്നത്.
30 സെക്കന്റ് ദൈര്ഘ്യമുള്ള വോയ്സ് നോട്ടുകളാകും വാട്സാപ്പ് സ്റ്റാറ്റസാക്കാന് സാധിക്കുകയെന്നാണ് വിവരങ്ങള്.
ചിത്രങ്ങളിൽ എന്നപോലെ വോയ്സ് സ്റ്റാറ്റസുകള് ആരൊക്കെ കാണണമെന്ന് ഉപയോക്താവിന് തീരുമാനിക്കാന് സാധിക്കും. ഈ വോയ്സ് സ്റ്റാറ്റസുകള് എന്ഡ് ടു എന്ഡ് എന്ക്രിപ്ഷന് മുഖേന സുരക്ഷിതമായിരിക്കുമെന്നും റിപ്പോര്ട്ടുണ്ട്.
