മെഡിക്കൽബിരുദ വിദ്യാർഥികളുടെ (എഫ്.എം.ജി.) നിർബന്ധിത ഇന്റേൺഷിപ്പ് കാലാവധി ഒരുവർഷമായി കുറച്ച് ദേശീയ മെഡിക്കൽ കമ്മിഷൻ.
കോവിഡ്, യുദ്ധം തുടങ്ങിയ കാരണങ്ങളാൽ വിദേശത്ത് നേരിട്ടുള്ള പഠനം അസാധ്യമായി ഇന്ത്യയിലെത്തി ഓൺലൈനിലൂടെ പഠനം പൂർത്തിയാക്കിയവർക്ക് 2021 മുതലാണ് ഇന്റേൺ നിർബന്ധമാക്കിയത്. രണ്ടുമുതൽ മൂന്നുവർഷംവരെ ഇന്റേൺഷിപ്പ് നിർദേശിച്ചിരുന്നു. ഇതാണ് ഒരുവർഷമായി കുറച്ചത്.
വിദേശ മെഡിക്കൽ ബിരുദ പഠനം പൂർത്തിയാക്കി ഒരുവർഷ ഇന്റേൺഷിപ്പ് പൂർത്തിയാക്കിയാൽ ഇനി തുടർ പഠനവും പ്രാക്ടീസും നടത്താം. ഇന്ത്യയിൽ ഇതിന് എം.ബി.ബി.എസിന് തുല്യമായ യോഗ്യതാ നിർണ്ണയ പരീക്ഷ പാസാവുക കൂടി വേണം.
