ബി.ജെ.പി. സസ്പെന്ഡ് ചെയ്തതിന് പിന്നാലെ ചാനല് ചര്ച്ചക്കിടയില് മുഹമ്മദ് നബിയേക്കുറിച്ച് നടത്തിയ വിവാദ പരാമര്ശത്തിന് വിശദീകരണവുമായി ബി ജെ പി വക്താവ് നൂപുർ ശർമ.
ആരുടെയും മതവികാരം വ്രണപ്പെടുത്താന് ഉദ്ദേശിച്ചിരുന്നില്ലെന്ന് പറഞ്ഞ നൂപുര് ശര്മ, തന്റെ വിശ്വാസത്തെ മുറിവേല്പിച്ചു എന്ന ന്യായീകരണമാണ് ട്വീറ്റ് ചെയ്തത്. ഇതു കാരണമാണ് പരാമര്ശം നടത്തിയതാണെന്നാണ് വിശദീകരണം. തന്റെ പ്രസ്താവന ആരെയെങ്കിലും വേദനിപ്പിച്ചെങ്കില് അത് പിന്വലിക്കുന്നതായും നൂപുര് പറഞ്ഞു.
പ്രസ്താവനയെ തുടര്ന്ന് ഉത്തര്പ്രദേശിലെ കാന്പുരില് വെള്ളിയാഴ്ച ഇരുവിഭാഗങ്ങള് തമ്മില് സംഘര്ഷമുണ്ടായി. 20 പോലീസ് ഉദ്യോഗസ്ഥര്ക്കടക്കം 40 ഓളം പേര്ക്ക് സംഘര്ഷത്തില് പരിക്കേല്ക്കുകയുണ്ടായി.
നേരത്തെ, വിവാദ പരാമര്ശത്തിന്റെ പേരില് ദേശീയ വക്താവ് നൂപുര് ശര്മയെ ബി.ജെ.പി. സസ്പെന്ഡ് ചെയ്തിരുന്നു. പാര്ട്ടിയുടെ ഡല്ഹി മാധ്യമവിഭാഗം മേധാവി നവീന് ജിന്ഡാലിനേയും പാര്ട്ടി സസ്പെന്ഡ് ചെയ്തിട്ടുണ്ട്. നൂപുര് ശര്മ നടത്തിയ വിവാദ പരാമര്ശത്തിന് തുടർച്ചയായി സംഘർഷം പൊട്ടിപുറപ്പെട്ടിരുന്നു. വ്യാപകമായ പ്രതിഷേധവും തുടരുന്നതിനിടെയായിരുന്നു ബി.ജെ.പിയുടെ നടപടി.
നേരത്തെ, നൂപുറിന്റെ പരാമര്ശത്തെ തള്ളിയ ബി.ജെ.പി., ഏതെങ്കിലും മതവ്യക്തിത്വങ്ങളെ അപമാനിക്കുന്നതിനെ ശക്തമായി അപലപിക്കുന്നുവെന്നും വ്യക്തമാക്കിയിരുന്നു. ‘ഇന്ത്യയുടെ ആയിരക്കണക്കിന് വര്ഷത്തെ ചരിത്രത്തില്, എല്ലാ മതങ്ങളും വളരുകയും പന്തലിക്കുകയും ചെയ്തു. ഭാരതീയ ജനതാ പാര്ട്ടി എല്ലാ മതങ്ങളെയും ബഹുമാനിക്കുന്നു. ഏതെങ്കിലും മതത്തിലെ ഏതെങ്കിലും മതവ്യക്തിത്വങ്ങളെ അപമാനിക്കുന്നതിനെ ബി.ജെ.പി. ശക്തമായി അപലപിക്കുന്നു’, ബി.ജെ.പി. പ്രസ്താവനയില് പറഞ്ഞു.
കഴിഞ്ഞയാഴ്ച ഒരു ചാനല് ചര്ച്ചയ്ക്കിടയിലാണ് നൂപുര് ശര്മ, പ്രവാചകന് മുഹമ്മദ് നബിയെ അവഹേളിക്കുന്ന പ്രസ്താവന നടത്തിയത്. ഇതിനെതിരേ മുസ്ലിം സംഘടനകള് വ്യാപക പ്രതിഷേധവുമായി രംഗത്തെത്തിയിരുന്നു. പ്രസ്താവനയെ തുടര്ന്ന് ഉത്തര്പ്രദേശിലെ കാന്പുരില് വെള്ളിയാഴ്ച ഇരുവിഭാഗങ്ങള് തമ്മില് സംഘര്ഷമുണ്ടായി. 20 പോലീസ് ഉദ്യോഗസ്ഥര്ക്കടക്കം 40 ഓളം പേര്ക്ക് സംഘര്ഷത്തില് പരിക്കേല്ക്കുകയുണ്ടായി. സംഭവത്തില് 36 പേരെ അറസ്റ്റ് ചെയ്യുകയും 1500-ഓളം പേര്ക്കെതിരെ കേസെടുക്കുകയും ചെയ്തിട്ടുണ്ട്.
പ്രസ്താവന ട്വീറ്റ്
