രണ്ട് ഓസ്കാര് പുരസ്കാരങ്ങള് ഇന്ത്യയിലേക്ക് എത്തി. ഇതിനൊപ്പം തന്നെ നടി ദീപിക പദുക്കോണ് അവതാരകയുടെ വേഷത്തില് ഓസ്കാര് വേദിയില് തിളങ്ങി. ലോകകപ്പ് ഫുട്ബോള് ഫൈനല് വേദിയില് ലോകകപ്പ് അവതരിപ്പിച്ച് തിളങ്ങിയ ദീപിക വീണ്ടും ലോകത്തിന്റെ ശ്രദ്ധ പിടിച്ചു പറ്റിയ നിമിഷങ്ങളായിരുന്നു അത്. പഠാനിൽ ഷരൂഖ് ഖാനൊപ്പം പ്രത്യക്ഷപ്പെട്ട അവർക്കെതിരെ വിഷം തുപ്പിയവർ ഇത്തവണയും കണ്ടു നിന്നും താരത്തിൻ്റെ വലിപ്പത്തെ.
അന്ന് ഫിഫ വേൾഡ് കപ്പ് ഫൈനലിൽ ട്രോഫി അനാവരണം ചെയ്യാന് ദീപിക പദുക്കോൺ എത്തിയപ്പോൾ, അത് ഓരോ ഇന്ത്യക്കാരനും അഭിമാന നിമിഷമായി മാറി. സമൂഹമാധ്യമങ്ങളിൽ ദീപികയെ പ്രശംസിച്ചും പുകഴ്ത്തി കൊണ്ടുമുള്ള പോസ്റ്റുകൾ പ്രത്യക്ഷപ്പെട്ടു.
‘ഇതാണ് സ്ത്രീ, ഈയിടെയായി രാജ്യം ദിവസവും ശല്യപ്പെടുത്തുകയും ദുരുപയോഗം ചെയ്യപ്പെടുകയും ചെയ്തവർ. ഇന്ത്യക്ക് അഭിമാനമായി മാറിയവർ, വെറുപ്പിന്റെ നടുവിൽ തലയുയർത്തി നിൽക്കുന്ന ദീപിക. അവിടെ ആരും ബിക്കിനിയുടെ നിറം നോക്കിയില്ല, ഇന്ത്യയെ ലോകം അറിയുന്നത് ദീപിക പദുകോണിലൂടെയും ഷാരൂഖ് ഖാനിലൂടെയുമാണ്, ദീപിക ഇന്ത്യയുടെ മകൾ, വിമർശകർക്കുള്ള കടുത്ത മറുപടി’, എന്നിങ്ങനെ പോകുന്നു കമന്റുകൾ.ഓസ്കാർ വേദിയിലും സൌന്ദര്യ താരമായപ്പോൾ
ഓസ്കാറില് മികച്ച ഗാനത്തിനുള്ള പുരസ്കാരം നേടിയ ആര്.ആര്.ആറിലെ നാട്ടു നാട്ടു എന്ന ഗാനത്തിന്റെ പെര്ഫോമന്സിന് മുന്പ് ഗാനം പരിചയപ്പെടുത്തിയാണ് ദീപിക ഓസ്കാര് വേദിയില് എത്തിയത്. ഓസ്കാര് പുരസ്കാര നിശയില് പതിനാറ് അവതാരകരാണ് ഉണ്ടായിരുന്നത്, അവരുടെ കൂട്ടത്തിലെ ഏക ഇന്ത്യന് വ്യക്തിയായിരുന്നു ദീപിക. വളരെ രസകരമായി നാട്ടു നാട്ടു എന്ന പാട്ടിനെ പരിചയപ്പെടുത്തി ദീപിക സദസ്സിന്റെ കൈയ്യടിയും നേടി.
വളരെ മനോഹരമായ കറുത്ത വസ്ത്രത്തില് ആയിരുന്നു ദീപിക. ദീപികയുടെ ഓസ്കാര് റെഡ് കാര്പ്പറ്റിലെ ചിത്രങ്ങള് ഇതിനകം വൈറലാണ്. ഒരു ക്ലാസിക് ബ്ലാക്ക് ലൂയിസ് വിറ്റണ് ധരിച്ച് അതീവ സുന്ദരിയായിട്ടാണ് ദീപിക കാണപ്പെട്ടത്. റെഡ് കാര്പ്പറ്റ് ദൃശ്യങ്ങള് ദീപിക തന്റെ ഇന്സ്റ്റഗ്രാം അക്കൌണ്ടില് പങ്കുവച്ചിട്ടുണ്ട്.
നേരത്തെയും ഓസ്കാര് വേദിയില് ദീപിക എത്തിയിട്ടുണ്ട്. എന്നാല് ഇത്തവണ താന് പരിചയപ്പെടുത്തിയ ഗാനത്തിന് അതും ഇന്ത്യന് ഗാനത്തിന് പുരസ്കാരം കിട്ടി എന്ന സന്തോഷവും ദീപികയ്ക്കുണ്ട്. നാട്ടു നാട്ടുവിന് അവാര്ഡ് പ്രഖ്യാപിച്ചപ്പോള് സദസില് ദീപിക ആനന്ദ കണ്ണീര് പൊഴിക്കുന്ന വീഡിയോ വൈറലാകുകയാണ്.
