സ്വാതന്ത്ര്യദിന പ്രസംഗത്തില് സവര്ക്കറെ അനുസ്മരിച്ച പ്രധാനമന്ത്രി നരേന്ദ്ര മോദിയുടെ നിലപാടിനെതിരെ മുഖ്യമന്ത്രി പിണറായി വിജയന്.
”സ്വാതന്ത്ര്യ സമരകാലത്ത് വൈസ്രോയിയെ കണ്ട് ഞങ്ങള് ഒപ്പമുണ്ടെന്ന് പറഞ്ഞവരാണ് സംഘപരിവാറുകാര്. ഇന്നവര് സ്വാതന്ത്ര്യസമരത്തിന്റെ നേരവകാശികളാകാന് ചരിത്രം തിരുത്തുകയാണ്” -മുഖ്യമന്ത്രി പറഞ്ഞു. തിരുവനന്തപുരത്ത് ഡിവൈഎഫ്ഐ ഫ്രീഡം സ്ട്രീറ്റ് ജില്ലാ പൊതുയോഗം ഉദ്ഘാടനം ചെയ്ത് സംസാരിക്കുകയായിരുന്നു മുഖ്യമന്ത്രി.
ഏതൊരു വിഷയത്തേയും വര്ഗീയമായി സമീപിക്കുന്ന പ്രവണത രാജ്യത്ത് ശക്തിപ്പെട്ട് വരുകയാണ്. ജനങ്ങളുടെ ശ്രദ്ധയാകെ വര്ഗീയ പ്രശ്നങ്ങളിലേക്ക് തിരിച്ചുവിടുകയാണ്. ജനജീവിതത്തെ ബാധിക്കുന്ന യഥാര്ഥ പ്രശ്നങ്ങളിലേക്ക് ജനശ്രദ്ധ തിരിയാതിരിക്കാനാണ് വര്ഗീയതയിലേക്ക് കാര്യങ്ങള് തിരിച്ചുവിടുന്നത്. വര്ഗീയമായി ചേരിതിരിവുണ്ടാക്കാനുള്ള ശ്രമം രാജ്യത്തെ നാശിപ്പിക്കും. ഇതില്നിന്ന് രാജ്യത്തെ രക്ഷിക്കണമെന്നും മുഖ്യമന്ത്രി പറഞ്ഞു.
