ഒന്നുമുതൽ 10വരെയുള്ള ക്ലാസുകൾക്ക് 13 ശനിയാഴ്ചകൾ പ്രവൃത്തിദിനമായി തുടരും. 6 പ്രവൃത്തി ദിവസം വരാത്ത 11 ശനിയാഴ്ചകൾ അടക്കം 13 ശനിയാഴ്ചകൾ പ്രവൃത്തി ദിനമാക്കി പ്രഖ്യാപിച്ചിരുന്നു. ഈ തീരുമാനം അതേപടി തുടരും. ഏപ്രിലിലെ ക്ലാസുകൾ ഒഴിവാക്കി പരിഷ്ക്കരിച്ച് പുറത്തിറങ്ങിയ പുതിയ അക്കാദമിക് കലണ്ടറിൽ പ്രവർത്തി ദിനങ്ങൾ വ്യക്തമാക്കിയിട്ടുണ്ട്.
പുതിയ കലണ്ടർ അനുസരിച്ച് ഈ അധ്യായന വർഷം മാർച്ച് 27ന് സംസ്ഥാനത്തെ സ്കൂളുകൾ മധ്യവേനലവധിക്കായി അടയ്ക്കും. 28ന് പെസഹ വ്യാഴവും 29ന് ദുഃഖവെള്ളിയും 31ന് ഈസ്റ്ററും ആണ്. ഇത് കാരണം 27വരെയാണ് സ്കൂളുകൾ പ്രവർത്തിക്കുക.
