ബോളിവുഡിലെ കിംഗ് ഖാൻ ഷാരൂഖിനെ വെല്ലുവിളിച്ച് രംഗത്തെത്തിയിരിക്കുകയാണ് വിജയ് ദേവരകൊണ്ട.
‘ബോളിവുഡിലെ അവസാനത്തെ താരമാണ് താൻ എന്ന് ഷാറൂഖ് ഖാൻ പറഞ്ഞു. എങ്കിൽ ഷാറൂഖിന് തെറ്റി, നിങ്ങൾ അവസാനത്തെ സൂപ്പർ സ്റ്റാറല്ല,
നിങ്ങളിൽ നിന്ന് രാജപദവി തട്ടിയെടുക്കാൻ ഞാൻ വരുന്നു എന്നാണ് പുതിയ സിനിമയുടെ റിലീസ് ബ്രെയ്ക്കിൽ വിജയ് ദേവരകൊണ്ട അവകാശപ്പെട്ടത്. ഷാറൂഖിന് ചെയ്യാൻ കഴിയുന്നത് എനിക്ക് എന്തുകൊണ്ട് കഴിയില്ല?’ ഒരു അഭിമുഖത്തിൽ വിജയ് ദേവരകൊണ്ട ആത്മ വിശ്വാസം പ്രകടിപ്പിച്ചു.
പക്ഷെ വിജയ് ദേവരകൊണ്ടയ്ക്കെതിരെ ഷാരൂഖ് ആരാധകരും രംഗത്തെത്തിയിരിക്കുകയാണ്.
തെന്നിന്ത്യയിലെ ഹിറ്റ് താരങ്ങളിൽ ഒരാളാണ് വിജയ് ദേവരകൊണ്ട. ദേവരകൊണ്ട നായകനായി എത്തുന്ന പാൻ ഇന്ത്യ ചിത്രമായ ‘ലിഗർ’ ഇന്ന് തിയേറ്ററുകളിൽ റിലീസ് ചെയ്തിരിക്കുകയാണ്. സിനിമയുടെ റിലീസിന് മുമ്പേ ഇത്തരം പ്രസ്താവനകൾ ബോളിവുഡ് പ്രേക്ഷകരുടെ വിമർശനത്തിന് ഇടയാക്കിയിരുന്നു.
അര്ജുന് റെഡ്ഡി എന്ന ചിത്രത്തിലൂടെയാണ് ടോളിവുഡിന് വെളിയിലേക്ക് വിജയ് ദേവരകൊണ്ട ശ്രദ്ധ നേടിയെടുത്തത്. വന് ബോക്സ് ഓഫീസ് വിജയവുമായിരുന്നു ചിത്രം. പിന്നാലെയെത്തിയ ഗീതാ ഗോവിന്ദം, ടാക്സിവാല എന്നീ ചിത്രങ്ങളും വിജയങ്ങളായി. തെലുങ്ക് യുവനായകന്മാരില് മുന് നിരയിലുള്ള ദേവരകൊണ്ടയുടെ ഏറ്റവും പുതിയ ചിത്രമാണ് ലിഗർ
അനന്യപാണ്ടെ, രമ്യ കൃഷ്ണൻ എന്നിവർക്കൊപ്പം ബോക്സിംഗ് ഇതിഹാസം മൈക്ക് ടൈസണും ചിത്രത്തില് ഒരു പ്രധാന വേഷത്തില് എത്തുന്നുണ്ട്. മിക്സഡ് മാർഷ്യൽ ആർട്സ് പശ്ചാത്തലമാക്കുന്ന ചിത്രം ബിഗ് ബജറ്റിലാണ് ഒരുങ്ങിയിരിക്കുന്നത്. തെലുങ്കിലും ഹിന്ദിയിലുമായി ചിത്രീകരിച്ച സിനിമ മലയാളം ഉൾപ്പടെ വേറെ അഞ്ച് ഭാഷകളിലേക്ക് കൂടി ഭാഷാന്തരം ചെയ്ത് ഇറക്കിയിട്ടുണ്ട്.
ലിഗർ പുറത്താവുമോ
ചിത്രം തങ്ങളെ തീര്ത്തും നിരാശപ്പെടുത്തിയെന്നും വിജയ് ദേവരകൊണ്ടയുടെ ശാരീരികമായ മേക്കോവറിനപ്പുറം ചിത്രത്തില് മികവിന്റെ അടയാളങ്ങള് ഇല്ലെന്നും ഒരു വിഭാഗം പറയുമ്പോള് ചിത്രം എല്ലാവരെയും നിരാശരാക്കില്ലെന്ന് മറ്റൊരു വിഭാഗം പ്രേക്ഷകര് പറയുന്നു. ട്വിറ്റര് റിവ്യൂസ് വിശ്വസിക്കരുതെന്നാണ് വിജയ് ദേവരകൊണ്ട ആരാധകര് പറയുന്നത്.
