സജി ചെറിയാന്‍ മന്ത്രിസ്ഥാനം രാജിവെച്ചതോടെ അദ്ദേഹത്തിന് ചുമതലയുണ്ടായിരുന്ന വകുപ്പുകൾ മാറ്റി.ചുമതല മൂന്നു മന്ത്രിമാർക്കായി വീതിച്ചുനല്‍കും.
ഫിഷറീസ്, സാംസ്‌കാരികം-സിനിമ, യുവജനകാര്യം എന്നീ മൂന്ന് വകുപ്പുകളാണ് നേരത്തെ സജി ചെറിയാന്‍ കൈകാര്യം ചെയ്തിരുന്നത്
ടൂറിസം-പൊതുമരാമത്ത് മന്ത്രി പിഎ മുഹമ്മദ് റിയാസ് – യുവജനക്ഷേമകാര്യ വകുപ്പ്
സഹകരണ-രജിസ്‌ട്രേഷന്‍ മന്ത്രി വിഎന്‍ വാസവന്‍ – സാംസ്‌കാരികം-സിനിമ വകുപ്പ്
കായിക മന്ത്രി വി അബ്ദുറഹ്മാന്‍- ഫിഷറീസ് വകുപ്പ്
എന്നിങ്ങനെയാണ് ചുമതലാ മാറ്റം. ഇതുസംബന്ധിച്ച മുഖ്യമന്ത്രിയുടെ ശുപാര്‍ശ ഗവര്‍ണര്‍ അംഗീകരിച്ചു.
ഭരണഘടനയെ സംബന്ധിച്ച പരാമര്‍ശത്തിന്റെ പേരില്‍ ബുധനാഴ്ചയാണ് സജി ചെറിയാന്‍ മന്ത്രി സ്ഥാനം രാജിവച്ചത്.
